????
زائر
 | موضوع: الحلقتين 17 و18 يوميات مينا ومريم  الجمعة نوفمبر 20, 2009 4:31 pm | |
| الحلقه السابعه عشر
" مينا ومريم بيهزروا مع ريم بس ريم زعلت و مينا و مريم حبو يصلحوها فريم طلبت طلب ؟ "
مينا : اؤمري يا ست ريم طلباتك اوامر بس مش تزعلى
ريم : مرسي يا مينا انا هطلب منكوا طلب بصفتي جعانه دلوقتي عايزه اتغدي
مينا
: بس كده يالهوي انا قولت هتقولي حاجه جامده خدي يا سيتي 5 جنيه اهه جديده
واتغدي برحتك من اي واحد بتاع فول وطعميه جبيلك 16 سندوتش و كلى لحد ما
تشبعى
مريم : هههههههههههههههه اه صح روحى كلى فول و طعميه
ريم : بتدحكي عليا يا مريم ماشي ماكنش العشم
مريم : الحق يا مينا دي زعلت والله يا ريم بنهزر معاكي
مينا : بجد بهزر معاكي يا ريم انت بتزعلي بسرعه كده ليه خلاص يا ستي اختاري اي مكان نتغدي في وعلي حسابي كمان
ريم : مرسي يا مينا انا نفسي في سمك اوي
مينا : بس كده يا سلام تؤمري يلا بينا هغديكوا غدوه تحلفوا بيها استنوني هنا ثواني
ريم : انت رايح فين يا مينا
مينا : ثواني اجيب حاجه واجي ثواني بصوا شايفين الصخره اللي هناك دي روحوا اعدوا عليها وانا جايلكوا حالا
" مينا ساب مريم وريم علي صخره علي البحر وطلع الاوده بتاعته جاب سناره صيد كان جايبها معاه "
" كان بيصطاد بيها من التورعه اللي كانت عندهم فى البلد "
" مش مشكله مينا نزل بالسناره وسله صغيره كده عشان يحط فيها السمك "
" مريم وريم شافوا مينا جاي من بعيد "
مريم : ايه دا يا مينا انت هتعمل ايه
مينا : زي ما انتي شايفه هصطاد سمك ونشوي هنا هيبقي اخر يوم لازم يبقي جاااااااامد مش احنا بردك ماشين بكره بليل
ريم : اه صحيح فكرتني يا خساره كانت رحله جميله بس دا شكله هيبقي اجمد يوم بقى
مريم : عندك حق يا ريم انا بحب الصيد اوي
مينا : اشطات هيبقي يوم جامد
" سيبوا مينا ومريم يصطادوا وتعالوا نشوف الحوار ده حصل فى البلد بتاعه مينا "
ابو مينا : الواد يا وليه ولا بيسال فينا لحسن يكون جراله حاجه
ام مينا : انا عارفه الواد زي ما يكون في حاجه شغلته عنا جامد ونسي نفسه يا خويا
ابو مينا : احنا لازم نتصل بيه
ام مينا : بس هنتصل بي ازاي بس
ابو مينا : هو مش سايب معاكي رقم الشجه اللي ساكن جصادها
ام مينا : اه والله دا سيبها معايا استني اخش اجيبها
ابو مينا : هاتي ااما نتصل بيه نشوفه فين ونطمن عليه
" وابو مينا اتصل ودار اجمد حوار فى المسلسل كلو "
_________________________________________________
الحلقه الثامنه عشر
" ابو مينا والحاجه جابوا الرقم واتصوا بالوليه اشطه اشطه تعالوا نشوف ايه الحوار اللي تم "
ابو مينا : شجه الست عطيات
" مش تخدوا في بالكوا عطيات دي الوليه الي ساكنه في الشقه الي ادام مينا "
عطيات : ايوه يا اخويا عايز مين
ابو مينا : كنا عايزين نكلم مينا هو هنا
عطيات : يالهوي هنا فين يا عم مش عيب دا انا ست لوحدي واخاف علي سمعتي
ابو مينا : يا ست الشريفه مش جصدي انا جصدي تنديه من شجته هو مش ساكن هنا بردك
عطيات : ايوه يا خويا ساكن هنا بس هو مش هنا الندل ده وانت مين يا اخويا
ابو مينا : انا ابوه هو مش هنا ليه
عطيات : ابوه يا اهلا يا اهلا العمده يا مراحب
ابو مينا : اهلا بيكي يا ست هو مش موجود
عطيات : لا يا اخويا دا مسافر شرم الشيخ ولسه ما جاش
ابو مينا : يالهوي كفر الشيخ يعمل ايه هناك
عطيات : يا عم شرم شرم الشيخ بتاعت الاجانب والسياح ده مصيف يعني
ابو مينا : زي جمصه كده
عطيات : ايوه زي جمصه كده بس شرم دي بتاعت الناس الهاي اوي والاجانب
ابو مينا : ايوه ايوه يا عيب الشوم بتاعت البنات المش لابسين هدوم
عطيات : ايوه يا اخويا شوفت وواخد معاه واحده صاحبته هي اللي هتبوظه يا حج
" عطيات مفروسه من مريم عشان مينا مهتم بيها ومنفضلها "
ابو مينا : واحده
عطيات : اه والنبي يا خويا رايح مع واحده زميلته في الجامعه هتبوظه
ابو مينا : متشكرين يا ست عطيات ياريت لما يجي ابجي شيعلنا تليفون عشان اجيله
عطيات : حاضر يا خويا
" العمده ابو مينا بيضرب كف علي كف وبيكلم في نفسه وعطيات ضربت مهموز في مينا جامد اوي "
" سيبك بقي من ابو مينا وعطيات وتعالوا نشوف مينا ومريم وريم عملو ايه مع الصيد "
مريم : ههههه واحده كمان اهه يا مينا شد السناره بقى
مينا : شكلكوا مرزقين يا بنات انا عمري ما صدت سمك بالكميه دي
مريم : كفايه كده يا مينا وتعالوا نشويهم بقي
مينا : استني كمان شويه اخر واحده عشان كل واحد ياخد خمسه عشان ريم دي شكلها جعانه وممكن تاكلنا
ريم : اه والله يا مينا انا جعانه مووت اهه يا مينا جيبها بقي
مينا : حاضر ههههههههههههههههههه بصي يا مريم نصيب ريم طلع ايه
مريم : هههههههههههههههه انتي هتكلي دي ههههههههههههههههه
" عايزين تعرفوا ريم طلعلها ايه ؟ "
الحلقة الجاية بقى
|
|
انجولا
احلي الاعضاء
 رسالة يسوع اليوم : [table style="WIDTH: 150px; HEIGHT: 100px" border=1][tr][td]
[/td][/tr][/table]
عدد الرسائل : 2778
تاريخ الميلاد : 13/06/1996
الموقع : فى بيت بابا وماما
المزاج : اذا اردت ان تعيـــــــش فعليك بالتطنيـــــــــــــــش...............
تاريخ التسجيل : 20/06/2009
| | موضوع: رد: الحلقتين 17 و18 يوميات مينا ومريم الأحد نوفمبر 22, 2009 5:24 pm | |
| ههههههه
اية اية اية ؟؟؟؟؟؟؟؟؟ | |
|
