ليه مش بنحترم الاماكن المقدسه؟؟

(من يفسد هيكل الله يفسده الله)

ليه احنا مش بنحترم الاماكن المقدسه يعنى فى شباب بتدخن فى الدير وبنات بتدخل الدير بملابس غير لاقه ليه ليه مش بنحترم الاماكن المقدسه معنى احنا لو فى مكان حكومى هنحترمه اكثر من كده ليه ؟؟؟
(بيتى بيت الصلاة يدعى وانتم جعلتموة مغارة لصوص)

(مش بس كده )
فى ناس كتير بتدخل الكنيسة و هى بتغنى و تقعد جوه تسمع أغانى و نقول كلام لا يليق بأولاد الله و مش بس كده لأ ده كمان بنقوله فى بيت ربنا ربنا يسامحنى أنا بقول كده و أنا مضايق لكن أوقات بدخل الكنيسة بحس أنى لسه فى الشارع اللى بيتكلم على مش عارف مين و اللى بيتفرج على البنت اللى داخله و اللى قاعدة تتفرج على الواد الفلانى و اللى يروح الكنيسة يقابل أصحابه و لا حبيبته و اللى رايح يضيع وقت أنا مضايق لأن الكنيسة مبقتش زى زمان مبقناش رايحين نصلى مبقناش راحين نقابل ربنا ربنا يسامحنا كلنا و يساعدنا أن نتغير و نرجعله بيته زى ما كان و نحافظ عليه.
(ومش بس كده)

كتيييير مش بنبقى قدوة لغيرنا يعنى الولاد بتدخن فى الاديرة او الكنائس وكذلك البنات فى لابسها الذى لا يليق بقدسية المكان..

بس مهما اتكلمنا ونصحنا غيرنا هيقولك هو انا لوحدى؟ ماكل الناس بتعمل كدة عادى....
تتوقعوا الرد هيبقى ايه هو ده اللى بنسمعه النهارده ؟
للأسف دلوقتى بحس الكنيسة (نادى) مكان لتجمع الاصحاب او لقاء البنات
والولاد..
وهحكلى لكم موقف حصل مع واحده صاحبتى قالته ليا وهو ده اللى شدنى انى اكتب الكلام ده .
[size=29]وهى تقول:
[/size]طلعت تدريب مع كلية أثار الى مصر القديمة (الكنيسة المعلقة) ودخلنا الكنيسة احنا المسيحيين اللى بنحمل اسم المسيح كأننا داخلين ملاهى
دخلنا بدوشة وكلة كان صوتة عالى وضحك وهزار ومش حاسيين اننا فى بيت الله ( الكنيسة)...

وبالتالى اى فعل يصدر عن الغير مسيحيين عادى علشان احنا مكناش قدوة لهم فى دخول الكنيسة

بعد ذلك جلسنا جميعا لنستمع الى شرح المسوؤل عن الكنيسة ويا للعجب
كنت بشاهدهم بيسمعوا بأنصات ومهتمين بالموضوع...

ولكن كنت واقفة ورأيت فى الصفوف الاولى واحدة (غير مسيحيية) وفى فمها
(لبانة) ووقفت متغاظة جداااااااا وبعد الشرح قولتلها كدة حرام ان يكون فى فمك
لبانة فى الكنيسة انتى فى (مكان عبادتك) اكيد هتحترمى المكان احترمى كمان الكنيسة هنا بصراحة بصيتلى بدهشة...
وهى مش غلطانة هى معذورة علشان ملاقتش مننا احنا المسيحيين بنحترم
قدسية المكان...
لازم نبقى قدوة لغيرنا.........

هذا يليق ببيت ربنا ؟؟ احنا بنعمل ليه كده ؟ مجتش فى يوم مسالتش او مسالتيش نفسك بنعمل كده ليه؟
+ دة كلام الانجيل مش كلامى بعد ماكان داوود بيقول (اما انا فبكثرة رحمتك ادخل بيتك و اسجد قدام هيكل قدسك بمخافتك) بقى دة كلام الانجيل علينا .

+ وعلى فكرة علشان الكلام دة اتقال ربنا برضة بعتلنا تحذير (ملعون من يعمل عمل الرب برخاوة).

+ فياريت اللى يقرا الكلام دة و يحس انة كان بيعمل حاجة غلط يروح يتوب و يعترف ويقول يا رب افتح قلبى وعلمنى كلامك عايز امشى فى طريقك سامحنى ياااااااااااااارب انا خاطئ .

صلوا من اجلى يا رب يعجبكم الكلام ويدخل قلبكم وتراجعوا نفسكم ومتخافش ربنا هيقبل توبتك ربنا قلبه حنين اللى خلاه اتصلب عشانا مش هيقبل توبه من ابنه وبنته ؟ ووجدته يبتسم فى وجهى ويقبلنى بحبه ويقول"ياابنى اعطني قلبك"
ده اللى اقدر اقوله

على فكره القصه اللى ذكرت ده حقيقه مش خيال ولا تاليف حصلت مع واحده صحبتى.


++اذكرونى فى صلواتكم++

جميل اوي اوي الموضوع بجد ياسان جوجو
وده فعلا هو اللي بيحصل في الكنايس بس بجد هو بردو عيب من كبار الكنيسة ليه هما بردو مسامحين بكدا
انا مش عارفة اعبر عن كلامي بس الغلط الاكبر علينا احنا الشباب
ميرسي كتير علي الموضوع وربنا يبارك خدمتك امين

انا هقولك حاجه تانيه انت لو فاتح بيتك لكل واحد محتاج عطف منك وانت قاعد معاهم طبعا هيحترموك مفيش حد هيقدر يعمل حاجه غلط خوفا منك بس لو انت امنته على بيتك يدخل ويقعد وياخد كمان الواجب بتاعه بس المهم ان انت مش موجود هيعمل اللى هو عايز يعمله مش هيخاف من حد وهى دى الفكره الفكره زمان ايام المسيح لما ربنا كان قاعد وسطيهم مكانش حد يقدر يعمل حاجه غلط بس لما مشى كانوا بيبيعوا حيوانات ويبيعوا ويشتروا
هيا دى مشكله الخدام فى الكنيسه زمان كانت فى انشطه وحتى لو مش فيه كانوا بيلمونا ويفهمونا كلمه ربنا لكن دلوقتى دور على الخدام
انا اسف فى اللفظ بيقابلوا كل واحد بيحب واحده يجبها الكنيسه على اساس انها كازينو يا سلام على بيت ربنا دا احنا مانستاهلش اننا نعدى قدامه مش ندخل ونقعد دا بس من رحمه ربنا الواسعه لو اللى ربنا مامنهم على بيته موجودين مكانش حصل حاجه غلط من الداخلين والخارجين

بجد بيحصل كل ده ياجو بس الغلط علي كل الاطراف البيت اللي معلمش ازاي تحترم بيت ربنا
الخدام وعدم تواجدهم وغلط مننا لاننا مش صغيرين

وبجد اللي بيحصل دلوقت في بيت ربنا سواء هزار القعدات اللي ملهاش لازمه اوي ايا كان
كلها حجات بجد تخنق

بس انا وانت وكل حد فينا عليه دور اننا نصح اللي نعرف بيعملوا حاجه من دي ولو اصغر مننا او احنا خدامهم نكون قدوره ليهم


وربنا يحافظ علي بيته وميرسي ياجون ع المووضع