المرأه الخاطيه

دي المسرحيه اللي بدرب عليها اعدادي مسرح عرايس وداخلين بيها الكرازه

مشهد واحد

القرد: قط قط قط انا قلبي كتير فرحان وبيشكر رب الاكوان اللي بحبه وحنان قلبه مليني دايما بالامان

الحمار :حاحاحا وانا كمان زيك ياميمون قلبي كتير كتير فرحان وبيشكر رب الاكوان اللي حبني وعمره مانسيني ابدا

الدب: دب دب دب وانا انا قلبي كله حب حب كتير لخالق الدينا العظيم الملك اللي مالوش مثيل

يلا تعالوا نسبح لاحلي واغلي اسم في الدنيا كلها يسوع

القرد والحمار: يلا بينا

زي الورده اللي بتسبحك زي النجمه اللي بتمجدك

احنا كمان جايين نسبحك ونمجد اسمك يايسوع

لانك حبتنا وعينك علينا)2

بنسبح اسمك )2

يايسوع

القطه: نونو نو برافوا عليكم جميله الترنيمه دي وكمان صوتكم فيها حلو اوي ممكن

القرد قط قط قط ممكن ايه انتي ايه اللي جابك هنا اساسا

الحمار حاحا حا انتي ازاي تتجرئي وتكلمينا

الدب دب دب دب انتي مش عارفه احنا مين وانتي مين

القطه نونو نو انا كنت عايزه ارنم معاكم الترنيمه الحلوه دي واسبح كمان ربنا

القرد : قط قط قط انتي ماتعوزيش حاجه خالص

القطه: نونو نو بس انا كنت هرنم بس

الحمار: حاحاحا ترنمي وتسبحي بزمتك مش مكسوفه من نفسك

القطه:نونونو ادوني فرصه

الدب دب دب دب هاهاها انتي انتي تتكلمي معانا انتي ترنمي طيب ترنمي ازاي وانتي مصاحبه ست وحشه وبتعمل خطيه وحشه واديما بتبقي معاها في الرايحه والجايه

القطه :نونو نو بس

الحيوانات: مفيش بس انتي مالكيش مكان بينا امشي يلا من هنا بقي

القطه : ياجماعه طيب اسمعوني

الحيوانات: اوووة احنا هنسيبلك المكان ونمشي

القطه : نونو نو (تعيط)

زي الورده اللي بتسبحك زي النجمه اللي بتمجدك

انا كمان جايين نسبحك ونمجد اسمك يايسوع

لانك حبتنا وعينك علينا)2

بنسبح اسمك )2

يايسوع

القطه: نونو نو اهي اهي اهي

المرأه : مالك ياقطتي نونوه انتي زعلانه ايه ده وكمان بتعيطي والدموع ماليه عينيكي كل ده ليه ايه بس اللي حصل

القطه نونونو مافيش حاجه ياصاحتي

المرأه :الحيوانات صح

القطه : نونونو لا انابس متضايقه شويه

المرأه :هما الحيوانات تاني مش عايزينك تلعبي معاهم وكل ده بسببي انا مش كده

القطه :نونونو لا

المرأه :ماتكدبيش ياقطتي كل ده بسببي انا انا عارفه

القطه نونونو اقولك حاجه صغيره ياصحبتي بس مني ماتزعلي

المرأه: قولي ياقطتي

القطه :نونونو ليه ماتبطليش اللي بتعمليه ليه في الخطيه بقالك سنين عايشه

المرأه: اوعي تفتكري اني مبسوطه كده او حتي مرتاحه

حاولت كتير وماقدرتش ابطل الخطيه مقيداني بسلاسل(تبكي) كل مااحاول اتحرك لقدام ترجعني تاني لورا لورا ........ انا تعبت ومش عارفه ايه الحل اوعي تفتكري اني مبسوطه كده اوعي تفتكري الخطيه بتسعدني

القطه : نونونو بس بقي ماتعيطيش كفايه كده ياصاحبني (تحضنها وتبكي)

الخاطيه:اهي اهي اهي

القطه :طيب حاولي من تاني تبطلي وعن الخطيه تبعدي بعدها هتلاقي الناس كلها حواليكي والحب جوه ف القلب ماليكي

االخاطيه : غلطانه غلطانه ياقطتي تفتكري يعني لما ابطل الخطيه وابعد عن طريق الشر الناس هتكون حواليا غلطانه طبعا غلطانه

ازاي هينسوا نظرتهم مش هتتغير وعمرهم مايحبوني ويكونوا حوالي وعمري ماهلاقي حب من اي حد فيهم

مش بتشوفي نظراتهم القاسيه ليه مش بتسمعي كلامهم الجارح علي

مش بتحسي بقسوه معاملتهم لي

اهي اهي هي سيبك بقي من الكلام ده وكفايه لاني تعبت الكلام في الموضوع ده بيقطعني تعالي تعالي اوريكي انا جيبالك ايه معايا تعالي

القطه :نونونو جايبالي ايه ياتري معاكي

الخاطيه :تعالي ماتستعجليش انا هوريكي بس غمضي عنيكي

المشهد الثاني

يفتح الستار يسوع يجلس ومعه الجموع

الشعب :علمنا يايسوع علمنا يايسوع ادينا كلمه منفعه

يقف يسوع ويلوح بيده للهدوء

يسكت الشعب ويبدا يسوع بالوعظ

القطه: نونونو ايه الناس كتير الي هناك دول ياتري بعملوا ايه

اه هههههه ده يسوع وسطيهم قاعد هناك بيعلمهم اما اروح واقعد هناك واشوف بيتكلم معاهم عن ايه

يدخل الفريسين بالخاطيه

الخاطيه :اه اه اه تقع ع الارد

فريسي 1عيطي عيطي كمان يامجرمه عيطي عشان هتموتي دلوقت

فريسي2قومي قومي علي حيلك يلا انتي لسه شفتي حاجه

القرد قط قط قط ايه الزيطه دي هو فيه ايه ياتري الناس الكتير دول بيعملوا ايه تعالوا يااصحابي تعالوا نشوف بيعملوا ايه هناك

الحمار حاحاحا اه يلا نشوف في ايه هناك

الدب دب دب دب يلا بينا

الخاطيه : اه اه اه

فريسي 1.2يلا اتحركي قدامنا

القطه نونونو

فريسي 1امشي انتي كمان ابعدي يلا من هنا

القطه نونو نو

الخاطيه اه اه اه

القطه :نونونو صاحبتي ماتموتوش صاحبتي حرام عليكم

يارب يسوع نجيها نجيها يايسوع دي مالهاش حد يحبها

القرد ياعيني ياقطه نونوه تعالي هنا احسن يموتوكي

الدب :دب دب ماتخافيش ياقطه نونوه

الحما ر :حاحا ماتخافيش احنا اصحابك جنبك كلنا

فريسي1: يامعلم الست اللي قدامك دي مسكناها وهي بتعمل الخطيه وماتقدرش تنكر وتقول لا معملتش

فريسي2 وموسي النبي وصانا في الناموس وقالان اللي زي دي يترجم لحد الموت تترجم لحد الموت

الشعب: ايوه لازم تترجم موسي قال ان اللي زي دي تترجم لحد الموت تترجم لحد الموت تترجم لحد الموت

(يشاور فريسي 1 للناس بالهدوء ويقول)

فريسي1 موسي قال ان اللي زي دي تترجم

تترجم لحد الموت تترجم لحد الموت

الشعب تترجم لحد الموت تترجم لحد الموت

فريسي2 وانت يامعلم تقول ايه

قام يسوع من منكم بلا خطيه فليرميها اولا بحجر

(وانحني وكتب ع الارض)

فريسي2 انت بتعمل ايه يامعلم

فريسي1 الله الله هو بيكتب ايه لا مش معقول ها اتفضح ازاي ده معقوول (ويجري)

فريسي2 هو في ايه تعايل هنا انت رايح فين بتجري ليه هو ايه اللي حصل

انت ازاي عرفت اللي انا عملته من سنين في السر ده محدش يعرفه غيري

الشعب1 ايه ده انا اتفضحت

الشعب 2 مش معقول ازاي عرفت ده كله كفايه

الشعب 3 ايه ده ايه الي بتكتبه ده ازاي بس

يسوع يمد يده للخاطيه

يابنتي في حد دانك فين هما الناس اللي اشتكوا عليكي

الخاطيه :هربوا ياسيد

يسوع وانا كمان مش هدينك

الخاطيه :ازاي ازاي وانا خاطيه وشريره وكلي زنوب وخطايا ( تركع وتمسك رجله)سامحني سامحني يارب

يسوع انا مسامحك يلا قومي وماتكرريش خطيتك تاني

الخاطيه: يسوع هو في حد يعرفكك ويدوق حنيه قلبك ومحبتك ويرجع للخطيه تاني يارب يسوع هعيش طول عمري معاك هتبعك هتبعك لحد اخر يوم في عمري لان الحياه معاك كلها فرح وسعاده

هاتبعك يايسوع لحد اخر يوم في عمري وهااقول لكل الناس عن محبتك واللي عملته معايا هتبعك هتبعك

المشهد الثالث

الخاطيه:ياناس تعالوا وشوفوا حياتي اتغيرت لما قابلت يسوع صدقوني صدقني صدقيني كان عندي لبس كتير اهو شوفوا بس مكنتش مبسوطه كنت عايشه في الخطيه سنين وسنين

الخطيه بهدلتني الخطيه ماكانتش بتسعدني

عايزه اقولكم حاجه حلوة اوي بابا يسوع بيحبك وبيحبك اوي وعايزك وعايزك تعيشي معاه علي طول فرحان وفرحانه

كلنا بنغلط يعني لازم تعرفوا ان انت وانتي وانا بنعمل خطايا كتير ويسوع مش بيحب الخطيه لانها بتبعدنا عنه وهو عايزنا قريبين ومعاه علي طول علشان كده مات بدالنا وشال عنا كل خطيه علي الصليب

يلا تعالوا كلنا نصلي ونقوله

بابا يسوع بنحبك اوي وعايزينك تكون معانا علي طول تعالي اسكن جوه قلبي

واطرد كل حاجه وحشه مش بترضيك وخليني افرحك علي طول امين

قطتي قطتي

القطه : نونونو صحبتي حببتي

الخاطيه : محضرالك مفاجاه بس غمضي عينيكي

القطه نونو ياتري ايه كوبايه لبن بالشيكولا

الخاطيه غمضي بس بشويش يلا تعالوا ادخلوا

الحيوانات بنحبك يانونوه

القطه بجد بتحبوني

الحيوانات طبعا بنحبك سامحينا يانونوه

القطه طبعا مسامحاكم اللي يدوق حلاوه ومحبه يسوع مش ممكن ابدا يخاصم

الخاطيه اللي يدوق حلاوة ومحبه يسوه مش ممكن يبعد عنه وكلنا هنسبحه ونقوله

ده يسوع حلو اوي حلو اوي حلو اوي

(اللي هيقرب منه مش ممكن يبعد عنه واللي هيدوق حلاوته يقفضل قريب منه)2ده يسوع حلو اوي حلو اوي حلو اوي

حلوة قوى يارنا

ربنا معاكي

حلوه قوى يارنا
شكراااااااااااااااا

حلو قوى يا رنا وربنا معاكى يارب

جميلة وفكرتها روعة
لان الحاجات المرئية دايما مبتتنسيش ابدا
واعتقد اعتقاد كبير انها هتاخد مركز ومركز حلو
كمان
تسلم ايديكي

» خبايا المرأه
» متى يكره الرجل دموع المرأه؟؟؟؟؟؟؟؟