قبل ان تنطقوا بكلمة احبك

في الأيام دي اصبحت كلمة (بحبك) تقال بلا حساب وكأنك بتقول انا بحب المانجة
تقال الكلمة دي دون أدنى مراعاة لشعور الطرف الأخر المسكين الذي قد يصدقك ويعيش في الوهم
من هنا كنت عايز اقول انك قبل ما حتى تفكر تقول الكلمة دي لازم تقولها وانت عارف انت بتعمل ايه

بالنسبة للشاب:

معنى انك قلت الكلمة دي يعني انت على استعداد انك ترتبط بالإنسانة دي طول العمر وتغير مجرى حياتك لأنك اصبحت مش ملك نفسك لوحدك ولازم تفكر بكل الطرق ازاي تبني مستقبلكم ...لما تقول كلمة بحبك لبنت لازم تكون كلمة من قلبك مش للتسلية لأن كسر القلوب غالي ولو انت عملت كدة أكيد الحركة دي هتترد فيك او في أولادك
لازم تكون على استعداد للتضحية...مش كل حاجة انت بس اللي تاخدها
لما تقولها تكون عارف ومتأكد ان ده حب حقيقي منك مش بتقولها كدة لعب عيال
فكر ألف مرة قبل ما تقولها...واعلم ان مسئولياتك زادت
لو انت حاسس أن في سبب قهري ممكن يمنعك عن الأرتباط حتى لو انت بتحب يبقى بلاش تقولها انا بحبك بدل ما تتعلق هي في الوهم
بالنسبة للبنت....

فكري مليون مرة قبل ما تقوليها لأن بعض الشباب هوايتهم صيد البنات الساذجة الطيبة واللي أول ما يسمعوا الكلمة دي منك يجري لأصحابه ويقول ضحكت عليها يللا نشوف واحدة غيرها
فكري كتير واتعظي من خبرات اللي سبقوكي وانكسر قلبهم
لما تقولي الكلمة دي اعرفي ان الشاب اللي أدامك ده هو اللي هيكون راجل البيت وكلمته لابد ان تتطاع كما قالت امي
تأكدي من شخصيته..واسألي نفسك هل اقدر اعيش معاه فعلا
مفيش شاب كامل طبعا بس برضو أختبريه بدون جرح مشاعره
أوعي تفكري تغيظيه وتقولي انا هكلم شاب غيره لأن ده بيعتبره طعن في شرفه وفي غيرته
لازم كل حاجة تعمليها يكون هو على علم بيها
في بنت هتقولي انا في كلية وطبيعة المواد والسكاشن اني اتعامل مع شباب...ماشي مقلناش حاجة بس هو لازم يكون يعرف واحترمي غيرته عليكي وعصبيته في الوقت ده لأن دي اشارة انه بيحبك فعلا طالما بيغير وفهميه وجهة نظرك بهدوء
طبعا مفيش داعي ان انا اقول بلاش تقولي كلمة بحبك للتسلية أو لأن في شاب عمل فيكي مقلب وحبيتي ترديه في واحد تاني انتقاما من الشباب!!
لازم تحكمي عقلك كتير أوي قبل ما تحكمي قلبك في بداية الطرق
لحد ما تتأكدي مليون في المية ان الحب بينكم صادق

كلمة بحبك بداية تكوين أسرة ولو اتبنت على أساس غير سليم يبقى قول على الحب يللا السلام وانهيار الأسرة في الطريق
__________________

منقول

ربنا يعوض تعبك

تكوين أسرة ولو اتبنت على أساس غير سليم يبقى قول على الحب يللا السلام وانهيار الأسرة في الطريق
مواضيعك جامدة ربنا يحميك

ولو انت عملت كدة أكيد الحركة دي هتترد فيك او في أولادك جامده اوى المقوله دى لان معظم البنات احيانا بيعملوا كده لان مش معاهم غير كه تسليه فقط سورى فى اللفظ عايزه تبين انه كله بيحبها وده غرور منها وهتقع وهتندم وقلبها هينكسر بجد خدوا بالكم
انا هكلم شاب غيره لأن ده بيعتبره طعن في شرفه ؟ انا نفسى تفهموا ده بصح حاولوا تفهمى معنى الكلام ه اوى وحطوا مكانكم مكانا ؟؟؟
وحبيتي ترديه في واحد تاني انتقاما من الشباب ناس كتير بتعمل كه ممكن اعرف ايه
الاستفاده تجرح قلب مش ذنبه انه حبها جد ؟

معنديش كلام بعد ده هقوله
كلمة بحبك بداية تكوين أسرة ولو اتبنت على أساس غير سليم يبقى قول على الحب يللا السلام وانهيار الأسرة في الطريق

بج موضووووووووووع جامد اووووووووووووووووووووووووووووووووووووووى ربنا يباركك

موضوع حلو اوي اوي امينا بجد
وده فعلا اللي بيحصل اليومين دول بيبقي نتيجة للفضي بس يلا بقي ربنا يسامح كل اللي بيعمل كدا
وميرسي كتير لتعبك وربنا يعوض تعب محبتك امين

» وقذفة بكلمة جارحة
» لعبة احبك
» احبك من كل قلبى
» ++ احبك لانك تستحق هذا الحب ++
» احدث قصيدة لقداسة البابا شنودة احبك يارب