كيدزانيا

كيدزانيا كلمة يابانية الاصل معناها مدينة الاطفال

كيدزانيا هي المدينة التي يقوم فيها الاطفال بأعمال الكبار

لو معاك طفلك وعايز ترفه عنه وفي نفس الوقت تخليه يستفاد كويس خده وروح كيدزانيا

اول ما هتدخل هتلاقي زي مطار استقبال كأنك رايح دولة كيدزانيا بتقطع تذاكر دخول والطفل بياخد معاه عملة كيدزانيا وهي كيدزوز

بيكون معاه ع الاقل 50 كيدزوز

ندخل ع المدينة من جوه

الاطفال هناك زي ما قلت بيقوموا باعمل الكبار يعني يشتغلوا في المطافي وشبكة الكهربا والاسعاف والجراحه والمطافي والتليفزيون والمطبخ وحتي في وسائل الاعلام

يعني مثلا الطفل اللى بينضم لشبكة الكهرباء ياخدوه ويروحوا يصلحوا الكهربا في احدي المناطق ويعلموهم ازاي يصلحوها

يكون فيه حريق في المدينة الاطفال بتوع المطافي يطلعوا بالعربية ويروحوا يطفوها ويعلموهم ازاي ده بيحصل في الحقيقة

حتي الاطفال الجراحين بيشوفوا عملية بتحصل أدامهم وبيشاركوا فيها كمان ونفس المعدات اللى موجوده في المستشفيات واللى بيتدرب عليها الاطباء حديثي التخرج موجوده للاطفال في كيدزانيا

وبعد نص ساعة هتلاقي اطفال ف استوديو الاخبار بينقلوا خبر الحريق وازاي المطافي وصلت في الميعاد وانقذت الموقف

مش كده وبس دول كمان بيدخلوهم البنوك عشان يفتحولهم حساب ويحطوا فيه الاجور اللى خدوها من شغلهم ويروحوا للحلاق والمطاعم ويشتروا من هناك

بالاضافة للاطفال بتوع الاسعاف لما بيروحوا يعملوا اسعافات اولية وتنفس صناعي للمريض

وطبعا ضيفوا على كده الناس اللي بتشتغل في المطاعم وصالونات الحلاقة ومحلات العصير ... الخ

بس كده


احنا عندنا الاطفال بيلعبوا بلي وكونكر وسيلك روود وبنك الحظ ولما بنسيبهم يندمجوا في الحياة بيلعبوا في الطين

تخيلوا لما طفل من صغره بيروح كيدزانيا وبيجرب شغلانة جديدة كل مرة

لما هايكبر وعايز يدخل جامعة يا تري هايحتار ويسيبها زي ما تيجي ؟؟

الكلية اللى التنسيق هايختارهاله ؟؟

واحنا كشعب مصر اكتر من 90 % من الطلبة عايزين يدخلوا طب وهندسة عشان هم دول احسن الكليات !!!!

فين الاستثمارات بتاعة المليونيرات والمليارديرات العرب من حاجة زي دي ؟؟

هايحقق لهم مكسب مادي كبير جدا بالاضافة لافادة كبيرة جدا لمجتمعه ولاطفال بلده

اليابان يا جماعة مش من بين يوم وليلة أصبحت قوة عالمية

احنا ليه منبفكرش زيهم وأحسن منهم كمان ؟؟
منقول

ده سؤال يطرح نفسه اخي فرينزي ليه مانبقاش زييهم

في حاجات كتير وفروقات كتير طالما الواحد قاعد في الشغل بيتكلم مع صحبه او نايم واو واحده بتجهز للطبيخ او واحد بيصلي او الي متشاكل مع مراته في البيت وراح الشغل يعكنن علي الناس

ده العادي بتاعنا


موضوع جامد

مينا انت ممتاز وموضوع متميز
انا نفسي بجد مانبقاش بالصورة دي اللي احنا فيها دلوقتي
ويارب يارب نتغير بقي

قشطة عليك يا مينا موضع جامد بس انا رايي ان في مصر اطفال ذكية جدا اذكي كمان من بتوع اليابان بس احنا مش بنستفيد منهم ومش بنميهم زي مبيعملوا في كيدزانيا وفي اليابان عامة بس يا جامعة احنا ممكن نعمل حاجة ومنبقاش سلبيين وده اللي بيحصل في مدارس الاحد واذا كان مبيعالجش غير حاجات بسيطة بس اهو احسن من مفيش
بس زي م قلت لازم منبقاش سلبيين ونقول احنا هنعمل ايه يعني حتي ولو كان دورنا صغير زي تنمية موهبة مثلا عند طفل ف دي حاجة كويسة