حقائق مصريه

1- ممكن يعدى التلاتين و لسة عايش مع أمه و أبوه و معندهمش مشكلة.
2- يشخص المرض و يوصف الدوا, و بيفهم فى النقاشة و الكهربا, و تصليح العربيات, و الطبيخ, و السياسة, و الكورة,.....و هو أبيض يا ورد.
3- بيحط الريموت كنترول فى كيس أو جراب بلاستيك كعادة فرعونية.
4- يقف يتكلم على الباب نص ساعة بعد انتهاء الزيارة و السلام.
5- لما تفتح دولاب المطبخ عنده تلاقى عشرين برطمان فاضى بقالهم سنين و مازال مَصر انه يجمع المزيد.
6- بييجى بعد ميعاده بساعتين و فاكر ان ده عادى.
7- لسة عنده اصرار انه يتكلم بصوت عالى فى التليفون لما تكون المكالمة دولية علشان التانى يسمعه.
8- بيعتبر نفسه أحسن واحد فى الشرا و الفصال و بعد كدة يكتشف ان الحاجة فى المحل اللى جنبه أرخص و من غير فصال.
9- بيحتفظ بأكياس محلات اللبس و الأحذية و ورق الهدايا تحت مرتبة السرير و مبيستخدمهاش.
10- بيفرش قماشة بيضاء على الأنتريه عشان يفضل نضيف لما ييجى ضيوف و مابيشلهاش لما ييجو