8 اخطاء يجب ان نتجنبها عندما نحب

الخطأ الاول

انك تفترض ان الشخص اللى قدامك خلاص بقى محل ثقه
لا وايه مش اى ثقه دى ثقه مطلقه
وانك مادمت بتستريحله بدرجه كبيره يبقى احساسك مابيكدبش
وساعتها بقى بتجيلك نوبه صراحه مفاجئه
وتقول للشخص اللى قدامك كل اسرارك ومشكلاتك
يعنى من الاخر

تفضح نفسك يعنى

الخطأ الثانى

انك تبالغ فى تعبيرك عن مشاعرك عشان تكسب ود الطرف التانى
لا وايه وتبالغ وتاخد من المبالغه دى اسلوب لعلاقتك معاه
يعنى
تتصل بيه كل شويه وتطلب منها الخروج كل يوم
وكل خروجه بورد وكل مناسبه بهديه
حتى لو عيد العمال
وتبالغ فى اهتمامك بنفسك وفى ارسال
sms
ملتهبه الاشواق كل نص ساعه
المشكله هنا ان الطرف التانى مايعرفش انك بتبالغ فى اهتمامك بنفسك
وبيعتقد ان دا
هو العادى بتاعك
ولما بقى ترجع لطبيعتك وتنتهى المرحله دى
هيعتقد الطرف التانى ان حبك ليه اصبح بارد
وانك فقدت اهتمامك بيه

الخطأ الثالث

انك تركز مجهودك فى انك تسيطر على الطرف الاخرتحت شعار
انا بحبك وبخاف عليك
مع ان العلاقه هتستمر لو انت ركزت جهودك
فى انك تسيطر على نفسك

الخطأ الرابع

انك تدى انطباع للطرف التانى ان العلاقه دى مسروقه
فترفض انك تظهر معاه فى الاماكن العامه
وماتكلموش الا فى نص الليل
ولو اتصلت بيك اللى بتحبها ترد عليها على اساس انها راجل
ايوة يا اسماعيل بيه
او العكس طبعا
الاداء ده بيخلى فى شعور بعدم الامان
والشعور دا هينمو مع قصه الحب نفسها فتكبر وهى ضعيفه وهشه

الخطأ الخامس

انك تعيش فى انتظار ان يقدم لك الحب حاجه
اى حاجه
والحب مش انك تستنى تاخد حاجه
لالالالالالالالا
الحب انك تتعب علشان الحاجه اللى عايزها

الخطأ السادس

انك تاخد راى اى حد فى الطرف الاخر
او مثلا تسال صاحبك ولا صديقك
ايه رايك فى فلانه؟
يعنى انك مابتحبش فلانه
كده يعنى

الخطأ السابع

انك تكتر فى كلامك جمل من نوعيه
اصلى انا ماباحبش كذا
انا ماينفعش معايا كده
خدى بالك انا فيا ميزه
عندى عيب بس هو ميزه فى نفس الوقت
بلاش تفضل مركز فى نفسك وفى كرامه نفس سيادتك
ورهافه نفس جنابك وحضرتك

يعنى من الاخر
ركز مع اللى قدامك شوووووويه

الخطأ الاهم

انك تفترض وتعتقد ان العلاقه دى
one way
وماتبقاش عامل حساب انها ممكن تخلص لاى سبب
فتقف مكانك مجروح بعد ماكونت راكب عربيه واحد وماشى بيك
فى طريق كله ورد وزهور جميله وعبيرها اخاذ
وفاجأه
قرر ينزلك فى حته مقطوعه ويمشى لوحده ويسيبك
؟؟؟؟؟؟؟؟؟؟؟؟؟؟؟؟؟؟

جامد اندروا
اية بس المواضيع دى

جااااااااامد يا اندرو ايه بس الحلاوة دي

انك تبالغ فى تعبيرك عن مشاعرك عشان تكسب ود الطرف التانى
لا وايه وتبالغ وتاخد من المبالغه دى اسلوب لعلاقتك معاه

انك تفترض وتعتقد ان العلاقه دى
one way
وماتبقاش عامل حساب انها ممكن تخلص لاى سبب

بس بجد دول اسوأ حاجة

ميرسي يا اندرو علي المواضيع الجميلة دي .ربنا يباركك

شكرا ليكم وشكرا علي تشجيعكم

ربنا معاكم

جميل كالعاده
بس انا اى تعليق
ان كل واحد بيعتقد انه بيحب حد بيقوله ع ميزه عيب كده
لكن برده فى حاجه مفيش حاجه اسمها بحب حد
ورحه مكلمها ف نصف الليل دى سرقه مش حب
واكيد الكل عارف بس بحيبوا يبرروا دايما ليه نفترض الحاجه الوحشه مهو بيحبنا بس العيب ان الاهل مش هيفهمو
والعيب كل يكون ع الاهل
وانى ازود اهتمامى بالطرف التانى بيكون طبيعى لانها بتكون حاجه جديده
زى اى حاجه جديده عند اى حد واول متقدمه بنرميها نبصلها عادى كده

بس كفايه

موضوع رااااااااااااااائع

شكرا يا سوسن علي مرورك وعلي الاضافه

العفو
انت قول وانا اضيف

هههههههههههههههههههه جامده يا سوسن غرابه من يومك ههههههههههههههههه الموضوع رائع اووووووووووووى يا اندروا ربنا يباركك واحلى ما فيه
ده صعب اوى
نك تفترض وتعتقد ان العلاقه دى
one way
وماتبقاش عامل حساب انها ممكن تخلص لاى سبب
فتقف مكانك مجروح بعد ماكونت راكب عربيه واحد وماشى بيك
فى طريق كله ورد وزهور جميله وعبيرها اخاذ
وفاجأه
قرر ينزلك فى حته مقطوعه ويمشى لوحده ويسيبك
؟؟؟؟؟؟؟؟؟؟؟؟؟؟؟؟؟؟

بجد بحاول اجيب الخطا اللى عجبنى بس كلهم فعلا حقيقيين وبيحصلوا فعلا
ربنا يحميك
بجد
بس اخر خطا بيبقا برضوة العكس المشكلة انى مبيبقاش عندى ثقة ان الموضوع هيكمل
فبيبقا فى اهتزاز شوية
ربنا معاك

» عندما نحب؟؟؟؟؟؟؟
» عندما يتجمد البحر
» عندما يتحول الحب إلى ألم
» اين كان عندما كنت محتاجة الية
» عندما يعتبرونك منتهى الصلاحيه