معجزه للبابا كيرلس السادس

كنت فى الثالثه عشر من عمرى وكانت ايام الامتحانات اقتربت وكنت اعانى كل فتره من احتقان والتهاب فى الغده الدرقيه او كما يسميها البعض احتقان فى اللوز
وتكررت حالتى المرضيه عده مرات فى السنة حتى تغيبت من الدراسه اكثر من 50 يوما وبعضها باجازات مرضيه والاخرى دونها
وجئت قبل الامتحانات بفتره وانتابتنى هذه الحاله مره اخرى ولكن امامى فتره وجيزه حتى التحق بالامتحان وذهبنا لدكتور فى المدينه التى اعيش بها وقال لابد من عمليه لان المره ده عباره عن خراج
وذهب والدى ودفع لى فلوس العمليه على ان استعد هذه الليله وانام دون طعام وذلك لنصائح الطبيب
وفعلا نمت هذا الليل وانا خائف جدا بكره هعمل عمليه وعندما اتذكر الدروس التى فاتتنى واصحابى ذاكرو وانا لا اكيد هسقط او مش هجيب مجموع كانت دموعى تننزل لذاتها وعندما تاتى والدتى كنت اكتم دموع عينى واضحك امامها حتى لا يزيد حزنها
وبعد تعبى هذا نمت بالليل واحضرت لى اختى كتاب البابا كيرلس السادس اسمه صدق ولابد ان تصدق كان هذا الكتاب يصدر باعداد كثيره وكان ذلك الكتاب الجزء الثالث منه
ونمت ووضعت الكتاب تحت الوساده
وحلمت حلما جميلا
اننا نمتلك منزل قديم فى بلده اخرى غير بلدتنا وهذا المنزل امام الكنيسه مباشره
وحلمت البابا كيرلس اتى ومعه الكثير من الصلبان والهدايا دخل البيت وكانه بابا نويل اعطانى صليب ورشمنى بيه وصلى لى وكانت بايده شوريه وروايح بخور من كل مكان بصراحه فالحلم كنت طماع كان نفسى اخد منه شويه صلبان كتير بس ادانى صليب وصوره هديه وقالى ربنا يباركك ومشى وانا فرحت بالصليب جدا
صحيت تانى يوم نسيت انى تعبان خالص مفيش الم وكانت الماء عندما اشربها تؤلمنى فاصبحت اشرب الماء بكثره حتى اختبر انى شفيت ام هو وهم ؟
وفعلا اكلت عادى ولم يعد بى اى مرض وكشفت عند الدكتور قالى العمليه حد عملها مفيش اى اثر والى عملها دكتور شاطر جدا وفعلا من بعدها مش بحس باى الم حتى الان
الغير مستطاع عند الناس مستطاع عند الله

بركه صلاته هذا القديس تكون معانا امين
ربنا يباركك ياسارة ع المعجزة الرائعه دى

ميرسي كتير ساره ربنا يبارك حياتك

مجدا لاسم الله القدوس
معجزة جملة جدا يا سارة
وربنا يعوض تعب محبتك

ميرسى ليكم يا جماعه وانا فرحانه بردودكم الجميله دى

بركة صلواته فلتكن مع جميعا
ربنا يباركك ياساره

ربنا يبارك بجد جاااامده اوى

ميرسى ليكم وانا فرحانه ان المواضيع بتنال اعجابكم