المسيح علي المذبح وانا علي السرير

هو فعلا اسم الموضوع غريب شوية لكن للاسف هو ده اللى بيحصل دلوقتى
احسن حاجة الشيطان بيعملها انه مثلا يشجع الواحد على القداس ولازم تروح وتحضر
بس ابقى قابلنى لو صحاك تانى يوم بدرى
ده يقولك لا السرير حلو ياعم ، طب نكمل الحلم ده بس
ولو
صحيت وعنيك لسه مقفولة تمسك المنبه او الموبايل وتظبط المنبه على وقت تانى
عشان خاطر تنام ربع ساعة كمان قال يعنى الربع ساعة دى هى اللى هتدخلك
السما او ممكن تخاف تسيب الناس اللى فى الحلم لحسن يزعلوا منك .
لا طبعا مش صح ولا ينفع ابدا ولا يليق انك تسيب المسيح على المذبح وتنام انت على السرير
السيد المسيح يا حبايبى لما جه ماكانش بيلاقى مكان كويس يريح راسه فيه بل العكس
كان
يجول يصنع خيرا ، كان بيخدم كل يوم وكل شوية فى بلد ويتكلم مع اى حد ينزل
يتكلم مع السامرية والكنعانية والزنا ، المهم انه يجيب النفس اللى هو
عطشان ليها ، كان بيعمل اى حاجة لخلاص النفس ، وكمان اعطانا نفسه وقالنا
خده كله هذا هو جسدى واشربوا دمى ، من يأكل جسدى ويشرب دمى يثبت فىَ وانا
فيه ،
ايه ده يارب ناكلك ازاى ؟ يقولنا اصل انا عايز اديكم قوة وكمال
يبقى لازم اديكم نفسى عشان تقويكم فأختارت انى ادخل فيكم من خلال خبز وخمر
عشان تاكوا وتشربوا واحل فيها بروحى القدوس وساعتها ادخل جواكم وانعش
طاقتكم الروحية ، وفى الاخر ربنا يتصلب علشانا وينزل يجيب الابرار من
الجحيم ، ليه يارب تنزل للمستوى ده ، يقولنا اصل بحبكم لانكم ولادى ، ربنا
بيعامل كل واحد فينا كإبن وحيد له ،
أقوم انا بقى النفس البشرية المحدودة الضعيفة بعد كلللللللللللللللللللللللللل اللى ربنا عمله معايا ده اسيبه على المذبح وانام انا على السرير
يحكى
مرة انه كان فى كنيسة بيتعملها ترميمات وكان اللى بيعملها الترميمات جماعة
غير مسيحين وكان اجزاء من سقف الكنيسة مكشوف وبعد القداس جه واحد من الناس
اللى كانت شغالة اللى هما غير مسحيين وسأل واحد من اللى طالعين من الكنيسة
وقاله هو ايه الطفل اللى كان محطوط فى الصينية ده
لو جالك ضيف انت بتحبه مش هتسيبه وتعزمه وتقعد معاه بكل حب وسعة صدر
فمابالك بقى السيد المسيح ذات نفسه هو الضيف عندنا هتقوله ايه ؟
لو
عندك ميعاد مهم تانى يوم الصبح الساعة 7 مش هقول مع رئيس الجمهورية او
وزير حتى ، هيكون مثلا ميعاد مع رئيس الحى ياسلام هتقوم من الساعة 5.30
تجهز نفسك وتاخد دش وتروح كمان بدرى عن ميعادك بربع ساعة
لو كنتى طالعة رحلة برضه من النجمة هتكونى موجودة ومحضرة كل حاجة ومافيش حاجة ناقصة
تعالوا كده نفكر شوية جد ونشوف هل ربنا بياخد حقه مننا فى حياتنا ولا لا ؟
تعالوا نشوف اد ايه احنا مقصرين ؟
هو اتعذب واتهان واتصلب علشانك وعلشانى وعلشانها وبيحبنا اوى ورغم كده صابررررررررر اوووى علينا
ياريت نحسبها احنا ونقدرها