تحذير للولاد والبنات ...................احترسوا

اولا انا عايزكم تقروا الموضوع عادى
ومتاخدهوش بفكر مش كويس
وشوفوا انا عايز اقولكم ايه

وانا بجيب ابحاث تخصنى على النت
شفت عنوان ودخلت عليه هو للولاد بس
لكن انا حبيت اجيبه المنتدى وافهمكم حاجه
الموضوع اسمه اكسب قلب البنت اللى قدامك فى 13 خطوة
هاسيبك مع ال13 خطوة وبعدين شوفوا انا عايز اقولكم ايه

اولا : بلاش تصدق اي حد يقولك ان البنت بتحب الولد العاقل لان الراجل العاقل تعجب بية بس لكن مايخطفش قلبها ولو حبيت تعمل عاقل اعمل بس بمسكنة شوية قال يعني انك المعذب في الدنيا وان الدنيا هي الي خليتك تستخدم عقلك وتموت عواطفك يعني خليك حريك كدة وحسيسها انك محتاجلها.

ثانيا : البت بتحب الواد الرومانسي يعني الي يضحك عليها يعني اهريها كلام حب وياريت تمسك ايدها وتقولها انتي رجعتيلي حياتي اوعي تبعدي عني ....يعني تعملها قيس كدة وهو جي علي الحمار المكسح .

ثالثا : البنت بيأنب ضمرها اوي الواد الي واخد بومبة يعني متفرقع من واحدة تانية يعني يا ريت ترسم عليها الدور كويس وتقالها انها عملت وعملت الي انت كنت بتحبها قبليها وانها سابتك في عز احتياجك ليها ودمعلها وتقالها ارجوكي مش عايز افتكر حاجة انتي عارفة يعني اية كرامة الراجل لازم تنزل دموع التماسيح كويس اوي .......... حسيسها انك محتجلها ومتخفش هي طيبة و على نيتها هتقع وهتصدق .

رابعا : البنت بتحب الواد الاستيل والعضالات......... وطبعا انت الاستيل ممكن تتصرف فيها وتستلف ملابس اي حد لكن المشكلة في موضوع العضلات انت ممكن تلبس هدوم كتير علي بعض او حل تاني تقولها انك كنت عضلات زمان لكن من ساعة الي حصلك من البت الي فاتيت وانت بتاكل في نفسك ومعلش انك هتحاول تاكل كويس وتلعب رياضة .

خامسا : البت بتحب الواد ابو دم خفيف يعني بلاش تكون نكدي معها.

سادسا : البت بتحب الواد الجاد في شغلة اوي يا سلام ترسملها الدور كدة كويس اوي انك زويل في مجالك وانك بتعمل شغل ماحصلش وتحسيسها بالذنب بانك بتضحي بوقتك علشان تكون معاها .......... طبعا لازم تكون ناصح علشان تكلم غيرها في الوقت تاني ويا سلام بقا يا واد لوتحكيلها قد اية انت بتقاسي وانك مستحمل العذاب علشان عش العصفور .

سابعا : البت بتحب الواد الي يحسيسها بجملها وقد اية هي طيبة وغلبانة وذكية وتحسيسها انها هتفضل جواك علي طول في كل لحظة رغم ان في كتير هيموتوا عليك
ولازم تخوفها كتير انك ممكن تضيع من غيرها وانك نفسك انها تكون اخر واحدة
في حياتك زي ما انت حاسيس انها الاولي حاليا يعني بالعربي حسيسها انها
الاميرة الحافية .

ثامنا : اتمحك فيها كل شوية تكلمها وتحسسها انها في بالك علي طول .......يعني
اول ما تصحة من النوم اتصل بيها او ابعتلها رسالة ولما تفطر ولما تتغدي
ولما تتعشا كدة يعني ويا سلام لو هي بتشتغل اقرفها كل شوية وكلمها وقولها
انك قلان عليها وانك مش بتستريح غير لما تكون في البيت .........
قولها وحشتيني موت وانك نفسك تكون معاك في كل لحظة يعني خليك واد حريك
خليها كدة تحس ان ما فيش حد بيحبها في الدنيا دية قدك .

تاسعا : حسسها انك واد بس اة ست بيت بتعرف تعمل كل حاجة وهتساعدها في بيتكم ......... بالعربي كدة عرفها انك هتشارك معها في كل حاجة قولها يا حياتي دة انا نفسي اخليكي اميرة تقعدي كدة والناس كلهم يخدموكي دة انا يا توتة اخدمك برموش عنيا حتي لو رموشك وقعة عرفها يعني انك راجل بمعني الكلمة يعني كدة تكون سبع رجالة في كرتونة واحدة .

عاشرا: بالرغم من انك راجل شرقي
قولها انك بتامن بحرية المراءة وان المراءة تلبس الي هي عايزة بس في حدود
الادب وانك عايزها تلبس كل الحلو ليك بس في بيتكم ....يعني حسيسها انك بتفهم في الزوق ولو ما تعرفهوش هات كتاب الحياة ........عرفها انك واد حمش .

الحادي عشر: حسسها انك راجل مخك كبير اوي وانك هتستحملها في وقت غضبها رغم
انك عصبي ودية علشان تعرفها قد اية انك بتحبها وعرفها انك هتقف جنبها في
كل مشكلها .........ولما تحصل مشكلة يبقي اتلككلها علي اي حاجة .

الثاني عشر: عرفها انك مش بتحب اي حد يكلمها غيرك وانكم زي بعض في كل حاجة حتي من كتر حبك ليها انت بقيت شكلها ........قال يعني هي مسيطرة عليك .

الثالث عشر: قولها ان مافيش حد
هياخد مكانك وانك مهما تعملي هفضل احبك بالرغم ان دية مش مبادئك بس سبحان
اللة انت مستعد تتنازل عن اي حد في الدنيا الا انتي........... عرفها انك
عندك مبادئ وانك متمسك بيها .

ملاحظة

*** لو البنت وقعت فيك وماتيت في دبابيبك
فتحها في موضوع الارتباط واشرحلها ظروفك الي ذي ال-- وانها هتعب بس في
الاول ........بس هتشوف حياة تانية خالص بعد الجواز وانك حبك هيكبر ليها
بعد الجواز خليها تحلم بالجنة الي
عمرها ماهتشفها واعمل انك نفسك انها تكمل معاك للنهاية وانك خايف
لمتستحملش معاك المشوار يعني اتقل عليها شوية وحسيسها انك خايف منها .....امال خليها هي الي تقرب وانت افضل مكانك بس مش كتير اوي احسن تزهق وتفوق .

*** لو البنت عمليت عبيطة ومش واخدة بالها منك افهم انها مقطعة السمكة وديلها وانها سمعت الكلام دة كتير قبل كدة.

دا اللى انا قريته وجبته وعايز افهمكم حاجه
اولا للولاد
لو فعلا بتحب وحده بلاش تبنى علاقتك بيها على اساس الكدب
وبعدين مش تبقى بتحب واحده عشان خاطر تغيظ حبك الاول او
عشان تتباهى قدام اصحابك وتقول انا عندى girl friend
لا مش ولاد المسيح اللى يعملوا كدا
لو اختك دى مش ها ترضالها الكلام دا خالص
يبقى تخاف عليها اكتر من نفسك
ومتحاولش تمشى ورا اى قرار غلط او انت حاسس انه مش صحيح
عشان كده بنقول دخلوا ربنا فى حياتكم وهو اللى هيمشيكو صح
تقولى هدخل ربنا فى الحب والكلام دا
اه ومالو هو عيب ولا حرام
وفيها ايه لما تبنى علاقتك معاها على حبكم للمسيح
وشوف هو هايساعدك ازاى
يبقى لازم لازم لازم تخاف على اللى بتحبها وتحافظ عليها
ثانيا للبنات
انتى يا ماما مش اى كلام تصدقيه وتتشعبطى فيه انتى حافظى على نفسك
ومتفرحيش لكلام اى حد اتاكدى من حبه الاول ليكى وبعدين ابنى علاقتك بيه
على اساس الحب بينك وبينه ووسطيكوا المسيح
ولو شكيتى للحظه انه بيلعب بيكى
متتاخريش فى اتخاذ القرار ولو لثانيه انك تفضلى معاه
وبرضو دخلى المسيح فى حياتك وهو اللى هيدبر امورك
وياريت محدش يزعل منى انا مش بقصد حد
انتوا كلكم اخواتى ولاد وبنات
حافظوا على نفسكم
ومتضاحكوش عدو الخير عليكم
وربنا يباركم
اخوكم فى المسيح

SURE GOOD OBJECT FROM GOOD PERSON
اقول ايه فعلا البنين يعملوا ده و البنات برضه

هنقول ان الكلام ده للبعيد عن ربنا او صغير فى السن
لكن ده مش مبرر مش شرط التربيه على فكرة هى اساس بس
احنا من كتر العيشه فى العالم نسينا الوصيه ان نعيش فيه مش هواللى يعيش فينا
لكن للاسف كله هايقولك مين ينفذ الكلام ده ومال مين لو كل واحد قال كده
رجاء محبه ياريت نحب ربنا ونطلب هو اللى يتدخل فى الارتباط مفيش حاجة اسمها نحب على نفسنا وبعدين نرتبط لا فى حب مقدس دون علاقه الى ان يتم الارتباط كحمايه للشهوة عند الولد وكحمايه لخلق البنت ولو ان هذا صعب فى زمننا
لكن ارجوكم عالاقل ضع اماك ربنا فى كلامك وفكرك وعلاقتك
العمر قصير وممكن نموت واحنا صغيريين مش شرط لما نكبر مش تشائم بس استعداد دائم وهو مانامله صدعتكم
بس بجد موضوع شيق ومفيد وواقعى جورج دايما متميز فى الاختيارات ياباشا ربنا يباركك ويجعل لك النصيب الصالح هنا وفى السما

الله الله
كلام حلو اوى يا بسمه
وشكرا لمرورك
وبعدين انا متميز ايه بس انا اجى جمبك حاجه
ربنا يخليكى ويباركك

لا بقى اجى جمبك ايه دا انت البشبش اى الباشا بلاش تواضع من بشويه لسلطنه باذن الله

ههههههههههههههههههههه
ماشى شكرا

بصراحة
انا الكلام اللى قريتة خلانى اضحك
دى الناس اللى بتعمل كدة دماغها فاضيةةةةةةةةة
بس بجد موضوع جميل يا جورج
ربنا يباركك
ويعوض تعب محبتك

شكرا مرمر لمرورك
بس مش عايزك تاخدى الامور ببساطه
صدقينى لازم تنتبهوا لنفسكم
انتوا مش حاسين باللى انتوا فيه
ع العموم ربنا يباركم

يا ريت يا جورج كل اتنين يدخلو بينهم ربنا بجد بس ارجع واقولك
ان الولاد فيهم الحلو وفيهم الوحش ودول كتير قوى يمكن اكتر من الحلوين
وفى ولاد كتير بيضحكو على البنات وبعملو كل اللى انت قولت انه
المفروض انه يتعمل بين الاتنين وبعد كده بيضحك عليها الدنيا ملهاش امان يا جورج
ويا ريت كل بنت متصدقش الكلام الحلو اللى بيتقلها من اى ولد
وشكرا يا جورج على الموضوع المتميز ده
ويا رب كلنا نستفيد منه مش البنات بس والولاد كمان
ربنا يباركك يا جورج

شكرا مايكل لمرورك
ربنا يباركك

بس عايز اقولك على حاجه ليه احنا منغيرش من نفسنا
بـــــــــــــــــمـــــــــــــــــــعـــــــــنـــــــــــــــــى
ليه بدل ما بنروح الكنيسه عشان نقابل بنات
طيب ما نروح عشان نسمع كلمه ربنا
ونسيبنا من الكلام الفاضى دا
المهم فى الحكايه دى هو تفكيرنا ماشى ازاى
ونحاول نوجه افعالنا صح

شكرا ياجورج على اهتمامك بالموضوع ده
بجد موضوع هام ومتميز
ربنا يعوض تعب محبتك

العفو مارينا ربنا يباركك
ويحافظ عليكى وعلى ولاده كلهم

طيب انا رائيي ان مفيش بنت ساذجه لدرجه ان ولد يضحك عليها كان زمان الكلام ده

والموجودين كده قليل اوي

ال13 صفه اللي قولتهم بجد دول اي بنت تتمني تلاقيهم في شريك حياتها

بس يكونوا بجد مش بيرسمهم عليها

ماهو المشكله انه بيرسم عليها وهى مش واخده بالها
او واخده بالها ومطنشه
شكرا لمرورك

احم احم

بامانة ما عارف اقولك اية
بس طبعا كلامكم كلكم كفاية

كل اللى عايز اقوله اننا لما نعمل اى حاجة وخلى بالكم من كلمة اى حاجة واى حاجة حلوة طبعا
نعملها بضمير وامانة نعملها عشان خاطر ربنا نعملها لأننا متأكدين انه شايف كل حاجة
ربنا يباركك يا جو

عندك حق ياروماااااا شكرا لمرورك

» للشباب والبنات
» تحدى بين الشباب والبنات
» تحذير هام ارجو التثبيييييييييت
» لعبه اكس اوووو والبنات هتخسر
» الفرق بين طفوله الاولاد والبنات