من المفاهيم الخاطئه ؟؟؟؟؟؟؟؟

من المفاهيم الخاطئة الكبيرة عند ناس كتير هى:
مينفعش أصلى وأنا خاطئ.. مينفعش اروح الكنيسة وأنا بعمل خطية.. مينفعش امسك الكتاب المقدس وانا لسه كنت بعمل كذا وكذا وكذا..
ويقولك بص.. أنا لازم اتوب الأول وبعدين أروح الكنيسة واصلى واقرأ الكتاب المقدس
انا مش مرائى ولا بوشين زى ناس تانيين بيروحوا الكنايس وعاملين نفسهم مش عارف ايه لكن حياتهم خربانه.. أنا لما هاتوب هاروح الكنيسه

طبعاً شكل الكلام جميل، لكن تعالوا نسأله عن ايه هى التوبة من وجهة نظرك؟؟؟
يقولك أتوب يعنى لازم أبطل الخطية الأول
ويبدأ ياخد خطوة انه يعمل لسه بالخطايا الى بيعملها،
ويعمل جدول علشان يبطل الخطايا دى
ويشوف ايه اكتر حاجات وحشه بيعملها ويحاول يبطلها

ولما يبطل كام حاجة كده يبتدى يفرح ويقول اهو كده الواحد يعرف يقرب من ربنا
ويعرف يصلى بجد.. ويفرح كام يوم أو بكتيره أسبوع أو اكتر

لكن سرعان ما تظهر الحقيقة، وترجع ريما لعادتها القديمة
وخيبة الأمل تكون كبيرة لما بلاقى نفسه رجع بصورة اكتر من الأول
وبدل ما كان بيشرب علبه سجاير واحده بقيوا اثتين وبدل..... بقيوا .......

ويرجع بعد شوية لمحاوله تانيه بس بعزيمة أقوى، ويعيد الموضوع من جديد
وللآسف خبرة الجميع فى النهاية هى الفشل الزريع

وبعد شوية يكون لسان حاله

انا حاولت كتير وفشلت.. مفيش فايدة منى


لكن يا ترى الكلام ده صح؟؟
وهل هو ده معنى التوبة ؟؟ انى ابطل الخطية

ده هانشوفه فى المقالة الى بعديها

واحنا بنشوف الفرق بين

توبة الحياة وحياة التوبة









ثق يا أبنى
ان اليوم الذى يمضى دون ان تقرأ فى كلمة الله
امسحه من سفر حياتك
واعتبر نفسك ميتاً فى ذلك اليوم
...


حبيب القلب الطيب

آمين كل كلامك صح

ميرسى على اهتمامك الجميل ده
ربنا يبارك حياتك
Estavroos

موضوع جميل بيفكرنى بمؤتمر
حضرته كان بيتكلم عن التوبه
وقال فيه احد المتكلمين
ان كل من يتكل على ذاته فى التوبه لازم يفشل
لكن احنا لازم نتكل على الله
وهو يساعدنا نبداء المشوار ويمشى معانا لاخره

ميرسى بولا على مرورك الجميل وتعبك

العفو يانورا ياقمر