حضن مفتوح وقلب مجروح ؟

حضن مفتوح وقلب مجروح

رجعت جريت على البيت ... اترميت على السرير .. بكيت بهستريا .. دموع والم ... و انين .. صرخات مكتومة .. مين حاسس بىّ . مفيش ... افتكرت كل اللى حصل .
صرخت ... بس بصوت واطى علشان محدش يسمعنى .

المصيبة الاكبر .
اللى بيعرف حقيقتى .. بيكرهنى وبيهرب منى ويستنقصنى ... عندهم حق !! عشان مفيش حد هيقبل واحدة فرطت فى نفسها وضيعت مستقبلها وبقت ..... ؟!

ده اهلى ... لو عرفوا هم اول ناس هترفضنى وتكرهنى ..
ده كمان ممكن يتبرؤا منى عشان ما جبلهمش العار ..

آه انا غلطت ... وحاسه بمرارة الذنب ، لكن خلاص ... خلاص ضاعت كل حاجة حلوه ... مفيش حاجة اعملها غير انى افضل فى الطين اللى انا فيه .. هأفضل أكمل كل اللى بعمله ، عشان مفيش قدامى حل تانى ؟!..

هو ده الكلام اللى بيدور جوه كل واحد عمل حاجة غلط ... والغلط هو الغلط ... مفيش غلطة كبيرة وغلطة صغيرة .
لكن مش هى ديه الحقيقة لأنة فى واحد بس قابلنا زى ما أحنا رغم إنه عارف كل المصايب اللى احنا بنعملها .. آة هو بيكره اللى احنا بنعملة لكن بيحبنا اوى اوى ... لو كنت انا او انت او انتى بس على الارض ديه كلها ، كان هينزل عشان يخلصه من اللى هو فيه و عشان يقوله انه بيحبه اوى وقابله ... لأ ده كمان عايزه وبيدور عليه ... وهو اللى دفع تمن غلطتى وغلطتك ... على فكرة هو بيتوجع مع كل وجع فيك وفيكى ، هو اللى بيضحى بالدمعة اللى فى عينينا .

لسه فيه امل .. لسه فيه نور ينفع تمشى وراه ... لسه فى واحد ينفع تروحيله وهتلاقية بيأخدك فى حضنه ويعوضك وصدقينى .. هتلاقيه بيرحب بيكى .. بس انت تروحيله وتتوبى قدامة ...هتلاقية بيعوضك كل الحب اللى انت محتاجة .. وكل الجروح والوجع اللى جواكى هو هيشفيها هتتغير حياتك ويغفر لك كل غلطك و يقولك .. وحشتينى اوى و بحبك .
هو مستنيكى ... اوعى تتأخرى عليه .

+الله امين وعادل حتى يغفر لنا خطايانا ويطهرنا من كل اثم+

(منقوووووووووول)
++اذكرونى فى صلواتكم++

موضوع حلو اوي كل مواضيعك بجد جامده

مرسى اوى اوى اوى اووووووووووووووووووى يا بيرووووووو