الحلقه الحادية والعشرين
كنا واقفين ان مينا كان عايز يقول لمريم حاجه ياتري ايه هيا الحاجه دي؟؟
دا الى هنشوفوا خلال حلقتنا انهردة
مريم : نعم يا مينا خيرر
مينا : انا عايزك اقولك علي حاجه ضروري يا مريم واتكلم معاكي كتيررر قبل معملها
مريم : اتفضل قول يا مينا
مينا : بصي يا مريم انا هكون صريح معاكي وانتي عارفه انك اقرب حد ليا في البلد دياا
مريم : اتكلم يا مينا انت قلقان ليه كدا ومتوتر ليه ؟
( مريم وشها احمر حاسه بالي مينا عايز يقولوا )
المهم نرجع لموضووعنا
مينا : مريم بصي حدانا في البلد الى بيكون بيصيف بيجيب مشبك وهوه راجع وانا معرفشي محلات بتبيع مشبك هنا
مريم : مينا ايه الى انت بتقولوا دا
مينا : والله يا مريم مكسوف منك مووت
مريم : هوه دا الموضووع الى كنت عايزني فيه يا مينا
مينا : اه يا مريم امال انتي كنتي فاكرة ايه ؟
مريم : مينا انت جاي شرم الشيخ علشان تشتري مشبك
مينا : امال هما بيجوا ليه ؟
مريم : مينا مش معقول كدا
مينا : مريم مش انتي قولتلي ان شرم الشيخ دي زي راس البر وجمصة ؟ ولا انتي هترجعي في كلامك وشكلك مش عايزه تسعديني
مريم : اوووووووووووووووووووووووووووف
وسابت مينا ومشيت ومينا طبعا استغرب من الى حصل هوه شايف ان الموضوع طبيعي لكن مريم طلعت منهارة وعماله تعيط
فطلعت فوق لقيت ريم بتعيط
فحاولت تهدي نفسها علشان تعرف تكلم ريم
في نفس اللحظه مينا قال يعمل تليفون طلما مريم مش عايزه تساعدة هيتصل بمين بمين بمين ؟؟
بعطيااات
مينا : الووووو
جارته : ايوة مين
مينا : انا جارك يا ست عطيات
جارته : اهلا يامومو عامل ايه
مينا : مومو مين ياستي بقلك انا مينا جارك الى فوق
جارته : ايوة يا مومو مانا بدلعك
مينا : اها اذا كان كدا معلشي
جارته : ايه انت لسه مجتشي من المصيف
مينا : لا انا جاي بكره ان شاء الله انا متصل بيكي بخصوص الموضوع دا
جارته : خير يا مومو عايز فلوس ولا عايز ايه ؟
مينا : لا مستوره والحمد لله انا كنت عايزك اسالك سؤال بسيط كدا
جارته : قول يا حبيبي قول
مينا : تعرفي محلات مشبك في شرم اشتري مشبك لبوياا وامي
جارته : ههههههههههههههيههههههههههههههههههههههههههه
مينا : بتضحكي علي ايه يا ولية انتي
جارته : اه يا مومو عارفه
مينا : والله هجبلك ربع كيلوا وانا جاي بس قوليلي فين مكانه
جارته : انت عارف وانت جاي من شرم
مينا : لا عارف وانا جاي من بلدنا ههههههههههههههههه متخلصي يا ولية انتي
جارته : قول للسواق نزلني عند بتوع المشبك هههههههههههههههههههههه
مينا : بجد يا ست عطياات
جارته : ايوه يا حبيبي بجد
مينا : طيب سلام
نرجع بسرررعه علشان نعرف ريم كانت بتعيط ليه
مريم : مالك يا ريم
ريم : مفيش يا مريم انتي كنتي فين ؟
مريم : كنت تحت بشتري شويه حاجات
ريم : اها سألت عليكي بتاع الرسبشن قالي انك خرجتي مع مينا
مريم : بصت ليها كدا وراحت معيطه
ريم : بتعطتي ليه دلوقتي مع انك كنتي مع مينا يعني
مريم : تقصدي ايه يا ريم بالي بتقوليه دا
ريم : مقصدش حاجه هانت اهي وكل حد فيناا يروح لحالة
مريم : انا مش مطمنه لكلامك دا يا ريم ياريت توضحي كلامك
ريم : لا كلام ولاحاجه يا مريم انا هنزل اتمشي شوية
مريم : طيب براحتك مهي العمليه نقصاكي اصلااا
ريم : انا نازلة
نزلت ريم كانت راحه فين بقي ؟
هوه دا الى هنعرفوا مع بعض الحلقه الجاية
_____________________________________________________________
الحلقة الثانيه والعشرين
كنا واقفين عند ريم وهي نازله ياتري قابلت مين وكانت خارجه مخنوقه من مريم الله اعلم ليه
المهم ريم نازلة علي السلم وقعت رجليها وجعتها في داخلة مينا الفندق
مينا : يانهاار مدوحس دي ريم ولا ايه ؟؟؟؟
بتاع الامن : والله معرفشي حضرتك
مينا : وانت مالك يعم هوه حد كان سألك
بتاع الامن : سوري حضرتك كنت فاكرك بتكلمني
مينا : اروح اشوف البت دي حصل فيها ايه
اوعوووا يا جدعااان جحا اولي بلحم طوووورة اوعوو بس انا هشوفها
مينا : ريم مالك
ريم : رجلي بتوجعني يا مينا
المهم مينا سمع الكلمتين دول ونسي المشبك ونسي الدنيا كلها
وشال ريم (اخوي يعني) وراح بيها المستشفي
نرجع بسرررعه لمريم
مريم : ياتري ريم زعلانه ليه ؟ اممممممم مش عارفه ربنا يستر وميكونشي عملت حاجة تزعلها دي بردوا صحبتي الانتيم ومش عايزاها تزعل مني
وفي نفس الوقت كان في حوار صغير كدا في البلد عند مينا بين ابوه وامه
ابووه : شوفتي يا وليه الواد تريبتك المههببه سايب دراسته وعمال يتسرمح في شرم الشيخ مع البنات الى لبسه هدوم مجطعه
امه : يا خويا هوه مينا صغير اكيد بس بيغير جووو زي زمايله وانت عارف ان الطلبه بتغير من بعضيها
ابووه : مكان جه غير جو في الترعه حدانا او في المصرف الى في اخر البلد
امه : هتلاجيه نسي يا خويا وروج كدة
ابووه : دانا لما يجي هشوف شغلي معااه علي شان ميعملشي كدا تاني
امه : ربنا يجيبوا بالسلامة بس وبعد اكده ابجي اقطع رجبته
ابووه : وهيجي ليه بجي لما انا هجطع رجابته هههههه يا وليه انا خايف عليه
امه : مني عارفه يايابو ميناربنا يخليهولك يارب
ابوه : امه بئي يا وليه اعملينا صنيه البطاطس علشان هموت من الجوع
امه : عنيا يا ياياخويا بس كدة
ابووه : تسلم عنيكي يا غالية
وقامت ام الواد تعمل صنيه البطاطس لجوزها والراجل في عقل بالة بيقول
ياتري يابني عامل ايه مع الحريم الي لبسه من غير هدوم في شرم الشيخ
جتنا نيله في حظنا الهبااب قاعد في وش الوليه دي ليل ونهار مش عارف اشوف غيرها
الواد دا مكنش جال كنت روحت معااه اتفرجتلي يومين ولا حاجه
لا والمصيبه الاكبر جارته يلهوي علي ضحكتها مسخرررة بجد يعني
يارتني كنت انا الى ساكن عندهاا
وبسررررعه نروح لرررررررريم في المستشفي
ريم : اه .... اه ..... اه يا رجلي
مينا : حمدالله علي السلامة ياريم
ريم : الله يسلمك يا مينا هوا انا فين
مينا : في بيتك ومترحك يختي هههههههههههه
ريم : لا بجد يا مينا انا فين
مينا : في المستشفي يابنتي
ريم : وانا ايه الى جابني هنا انا كنت كنت كنت والله مانا فاكرة
مينا : ايه دا يا ريم انتي فقدتي الذاكرة :-س
ريم : يا مينا متهزرشي
مينا : حاضر يا ريم انتي وقعتي من علي السلم ورجليكي اتكسرت وانا شيلتك وجبتك هنا علي الله يطمر فيكي بقي ههههههههههههه
ريم : ميرسي يا مينا علي زوقك وعلي انك جبتني هنا
مينا : وميرسي دي اصرفها منين هههههههههه هتيلي حاجه ساقعه احسن وياريت باكو بسكوت شمعدان ونص كيلوا مشبك لابويا ههههههههههه
ريم : انت بتقول ايه يا مينا ؟ مش فاهمة منك حاجه
مينا : لا لا متحطيش في بالك
ريم : طيب
مينا : طيب معاكي علي رائ خالتك سميرة سعيد
ريم : ههههههههههههههه ماشي يا خفة
سكتوا الاتنين فترة كده وريم عاملة تبص في عنين مينا ومينا مركز في وشها اوي
وفجأه مينا قالها
ريم
ريم
عايزين تعرفوا مينا قالها ايه ؟؟؟؟ تابعووونا الحلقه القادمة
السبت نوفمبر 21, 2009 7:57 pm
رسالة يسوع اليوم
