ايه اللى بيحصل ده

هي مش فكره حاجه غير هي خرافه واوهام ومش معني ان حد عمل كده وحصل معاه معجزه تبقي قاعده بتبقي صدف وهي بدعه وجهل مش اكتر

انا مع رنا فى انها بدع وهرطقات بنختلقها عشان نعمل صيت وخلاص
ياجماعه دى خرافات
يعنى هو اللى وصله الورقه دى وعمل بيها وربنا شفاه خلاص بقه هى الورقه دى اللى شفته
فين الايمان بقه احنا كده مش بنامن بربنا كدا سامحونى بنامن بحته ورقه فى كلمات عاديه
تعال كده حد ياخد الورقه وواحد مايخدهاش واللى ياخد الورقه يعمل زى الورقه مابتقول والتانى يصلى بايمان لربنا ومن قلبه وشوفوا الفرق بين دا ودا
هو ربنا مستنى لما انت توزع الورقه عشان يشفيك
طيب ماتشوف ربنا عايز منك ايه بدال ما بتجرى ورا ورق وكلام دا عندك ورق كتير بس انت اللى مطنش ومش بتشوفه
فين انجيلك فين كلمه ربنا بدال ما بتوزع كلام وخلاص انشر كلمه ربنا فى خدمه فى بيتك فى نفسك هو دا الورق اللى االاصول نهتم بيه ونقول للناس هو دا اللى هايفرح قلبكم
سيبونا بقه من الكلام اللى مش بيودى ولا بيجيب بلاش نضحك على نفسنا ونستسهل الامور ونضحك على ربنا بدال مابتقعد تصور وتكتب ورقه اقعد طلع كام ايه من الانجيل ووزعها على اصحابك وحاول تتطبق الايه فى حياتك دى فى حد ذاتها معجزه اسف طولت عليكم بس دا اللى كنت عايز اقوله
ربنا يباركم

ميرسى جدا يا رنا وجورج
بجد كلامكم كل صح
وهو ده اللى نفسه كنت اوصله لما كتبت الموضوع
وميرسى جدا ليكم
يارب بقى بعد كلامكم ده كل واحد يدخل هنا ويلاقى نفسه كان بيعمل كده و لاشاف حد عمل كده
يراجعوا نفسهم تانى ويفكروا ف اللى بيعملوه
وربنا مع الجميع

ابرام الكلام ده ملوش دعوه باي طائفه ومفيش حاجه اسمها طائفه بعينها الي بتعمل كده