لقد نفذ رصيدكم .......

الو.الو.ايوه مين معايا
معقول دا انا كنت مستنى المكالمه دى من زمان
ما انا كلمتك وانت ماردتش عليا
امتى !!!!
فاكر اليوم الفلانى ؟
ايوه فاكر اصل كان فى مسلسل متابعه فى التليفزيون ومقدرتش اسيبه
طب واليوم التانى فاكر
اسف ياربى كنت قاعد على القهوه وكانت دوشه وماسمعتش
طب والى بعده
معلش كنت فى السينما وكان اخر يوم فى العرض والى بعده ماكنتش شاحن روحياتى كويس فما قدرتش اكون
معاك على الخط
ايه يابنى وجاى دلوقتى تلومنى
متلومنيش ده انا رسالتى واضحة ليك
ليه شايل الهم ودموعك مليا عينك
ده أنا واقف على بابك مستنيك
بقولك يا ابنى انا حاسس بيك
مهما تهت فى الدنيا انا عينى عليك
اوعى تفكر انى ناسيك
حتى لو الدنيا ضاقت بيك
انا اتصلبت علشان افديك
لبست اكليل الشوك علشان حبى ليك
اتحملت علشانك ظلم البشريه
اتصلبت بدالك علشان اديك الحريه
حاسس بيك بكل مشاكلك
وشايل عنك كل متاعبك
ليه كده يا ابنى تقول انى ناسيك
وشايف تملى دموع فى عينيك
امسح دموعك وتعالى ليا
وانا هفرحك واغفرلك الخطيه
دى دموعك غليا عليا
ومشاكلك ما بين اديا
وانا جيت يا ابنى علشان افديك
سامحنى يارب انا محتاجلك كان رصيدى قليل فى ذهابى لبيتك مع انه قريب منى
الحق اشحن روحك وجسدك قبل عدو الخير ما يسحب منك الخط
طب استئاذنك مكالمه وراجعلك حالا اكلمك تانى
خايف عليك يابنى تيجى تكلمنى تلاقى الصوت المخيف بيقوللك
عفوا ... لقد نفذ رصيدكم فى الحياة
ياريت كلكم تلحقو تشحنو قبل ما رصيدكم ينفذ

فعلا جون دايما رصيدنا نافذ ومع ربنا بالذات
حتى مش بنبعت بليز كول ميى
دايما بنبعتها للى محتاجينهم بس احنا باين علينا مش محتاجين ربنا غير فى الضيق بس
لما نكون كويسين وحلوين ناسيينه وفى الضيق نقول يارب ونفتكره ولما مش يلبينا اى طلبات
نقول ربنا غضبان علينا
مش عارف ليه لحد دلوقت مش فاهمين ربنا
ومش عاوزين نخليه كل حاجه فى حياتنا
ارجوكم افهموا ربنا وقربوا منه شوى
ربنا يحميكم وشكرا جون ربنا يباركك

جااااااااااااااامد اوى كلامك يا جورررررررررررج

ياعم دا موضوعك اللى جامد يارب الناس تستفيد بس

مرسى مرسى

» عفوا ... لقد نفذ رصيدكم فى الحياة