قصه حب بين الميريندا والبيبسى

البيبسي : يا ميرندا صاحية ولا نايمة

الميرندا : صاحية وانت ايه اللي مصحيك لحد دلوقتي لسه ربع ساعة والراجل يقفل المحل ويقفل النور

البيبسي : ممكن أقعد جانبك

الميرندا : اتفضل

البيبسي : تحبي نتكلم في ايه

الميرندا : عادي أي حاجة .. ولو هاتطول قول علشان استأذن من بابا وأنام بره الصندوق

البيبسي ( فرحان ) : كلامي ولا هيخلص بكره الصبح .. أصلي رغاي قديم

الميرندا : أنت عارف ان كلامك حلو أوي بس بابا منبه علينا منكلمش السود

البيبسي : ليه دا احنا أليفين والله

الميرندا : بس انت عارف سوادك حلو .. كأنه سواد ليلة مافيهاش قمر أنا بجد معجبة بيك

البيبسي : احرجتيني وطلعتي زي ما قالت ماما

الميرندا : وهي قالت ايه

البيبسي : قالت الميرندا أحلى من الفانتا

الميرندا : آل فانتا آل

البيبسي : ليه مالها الفانتا دي تهبل

الميرندا : ماشي لو عاجباك روحلها في الصندوق بتاعها .. سلام

البيبسي : ايه يا ميري زعلتي من كلامي ده انتي ستهم كلهم



وفي اللحظة دي دخل صاحب المحل وحط جنبهم زجاجة فانتا



البيبسي : نورتي الصندوق يا فانتا ... ايه يا أخواتي الحلاوة دي

الميرندا : وكمان بتعاكسها أدامي .. وانا معاك من الصبح يا عبد يا اسود

الفانتا : دي مالها دي متعصبة .. ياي غيارة

البيبسي : سيبك منها بس قولي ايه الجمال اللي أنت فيه ده

الميرندا : قولي يا قصيرة يا قزعة

الفانتا : روحي كده وانتي بقالك اسبوع مرمية في الصندوق ومحدش معبرك

البيبسي : هدوء يا جماعة كل واحدة فيكم فيها مميزات انتو الاتنين حلوين



وفجأة جه زبون المحل وخد الثلاث زجاجات في كيس

وروح البيت وفتح الفانتا وشربها



البيبسي : الحمد لله كانت مضايقانا الفراولة ( منافق وبوشين )

الميرندا : وكمان جايلك عين تتكلم .. روح وراها يا اسود

البيبسي ( بينه وبين نفسه ) : ضاعت عليا الفانتا وكمان الميرندا



وجلست الميرندا تبكي وتقول لنفسها يقطع الحب وسنينه

لحد اما سخنت وجه واحد يشربها لقاها سخنة فألقى بها في سلة المهملات

وكانت دي نهاية مؤلمة لقصة حب البيبسي والميرندا