ازاي تبقي رزل مع اخوك

ازاى تبقى رذل مع أخوك

طلع عليه اسمه يستفز وناديله بيه يعنى لو جت ناحيته دبانة مرة بالصدفة كده
سميه دبانة وأستلمه بقى رايح فين يا دبانة جاى منين يا دبانة ياعم أقعد متعملناش فيها دبانة بحق وحقيقى
فكره بالمواقف بتاعت زمان اللى بتضايقه كلها زى علقة حلوة كده من بابا او ماما
هات حاجات ورذل عليه بيها يعنى مثلا لو بيحب الشوكولاته كل ماتدخل البيت هات واحدة فى إيدك وكلها قدامه
ولا أقولك هات علبة وكل ساعة كل واحدة قدامه لحد ما يتحايل عليك تديله منها أو يتغاظ وينزل يجيب
وأنت داخل البيت قوله فى واحد صحبك مستنيك تحت متقولوش هو مين عشان ميعملش ناصح ويتصل بيه يقوله اطلع
قوله هو صحبك وأنا عارف شكله بس معرفش اسمه وخليه ينزل ويطلع على الفاضى
لو انت الكبير قوله انت فاكر نفسك كبرت على الضرب ولا أيه و الكلمة دى رذلة ومستفزة جدا
خليه يحط حاجة كانت فى إيديه زى مثلا قلم ولا موبايله بمجرد ما يحطه خبيه أنت علطول
هيرجع مش هيلاقيه هيتغاظ جدا وهيفضل يقول دانا لسه حاطه هنا بإيدى من شوية
لو نايم استخدم اى طريقة عشان تصحيه من النوم وهما كتار ما شاء الله
عشان اللى معندوش خبرة برضه أقولك تعمل أيه
قيد النور كأنك بتدور داخل تدور على حاجة
وشغل أعلى نغمة فى موبايلك كأن حد بيتصل بيك
ومفيش مانع تدور على الحاجة دى تحت المخدة والمرتبة اللى هو نايم عليهم
مش هوصيك بقى وأنت بترفع المخدة اللى عليها راسه عشان تبص تحتها
لو أنتوا الأتنين نفس نوع الموبايل أقعد ألعب فى البطارية بتاعتك عشان تبقى يادوب هتفضى
وروح غير البطاريات وسيبهاله على شعره يعنى لو حد بس رن عليه ولا هو فكر يشوف الساعة
هيفصل منه شحن وياسلام بقى لو مستنى تليفون ضرورى وفصل منه شحن تبقى مية مية
ولو قالك هات بطاريتك إوعى تفرط فيها صحيح هى بطاريته بس هو هيعرف منين فكك
لو شارى لبس جديد أصحى أنت من الفجر وألبسه وأنزل بيه ولو أتصل بيك قوله أصل أنا صحيت
وملقيتش حاجة ألبسها روحت لبسته بقى وخلاص وبعد كده أبقى اشترى هدوم أحسن من كده
عشان لما أتزنق فى هدوم وأحب أخرج الأقى حاجة كويسة وأقفل فى وشه بالمرة بلاش قرف
مش شرط لبس بس أى حاجة جديدة لازم تحط عليها بصمتك السحرية الأولى قبل مايفرح بيها
أمسح الحاجات اللى على الكمبيوتر اللى هو بيحبها أفلام أغانى صور برامج أى حاجة
قوله أنا كنت مشغل الأنتى فيروس وهو اللى مسحهم شكلهم فيهم فيروس وفيروس رذل كمان إحم إحم
لو واخد ميعاد من حبيبته يكلمها مثلا على الساعة 10 بالليل كده على النت ولا حاجة
أنت قبلها بشوية تقعد تذاكر وتقوم تقول لباباك أو مامتك أنا عايز الكمبيوتر أريح شوية أنا بذاكر من بدرى
خليه هو يروح يذاكر شوية لحد ما أريح ويبقى يجى يقعد وتبقى ضيعت عليه الليلة
جبنا سيرة النت بقى والكلام هيفتح لأ خليها للحلقة الجاية أحسن بقى براحتنا
أو ممكن الحلقة الجاية أكمل الرذالة فى البيت ويبقى بقى على باباك ومامتك

اه يا مستر في حته مش ماهمها انت ليه بتعمل كده
ايه ياعم انت بتاخد كورس ولا ايه عايز احجز معاك بس مش علي اخويا انا كدكده برخم عاليه حرام عاليك بجد كده الواد هايوح مني
وماتنساش الدنيا يوم معاك وايام كتير عليك

جامد اخر حاجه اكتر واحده بتاعت هوه ونايم

لا يااندرو دة الواضح انه هو اللى بيدى القرص وعايزنا نحجز عنده قبل العدد مايكمل بس حلوين اما انا فامعلش انا احب اتفنن فى رزالتى مش على طولا اصلها اصغر منى والحكم معاها بس اوعى تشوفهم وتستلمنى بيهم بجد مش هااسامحك ولا انت عاوز تدى قرصات رزالة وخلاص

يا لهوى دى تموتنى
بامانة تموتنى
لا يا عم الواحد مش ضامن عمرة

انتي خايفه ولاايه يا دندوشه احنا هانعمل كده بس جوجو الضامن يعني لو ادربنا او حاجه هانيجي نطلع عينه

هههههههههههههه اية دة ياعم دة كدة اخوتنا فى الباى باى بس انا مقدرش اعمل كدة دول اخواتى اكبر منى دول يقطعونى لو عملت فيهم كدة
بس بجد موضوع جامد

» بتاكل ازاي
» ازاي ترسم ورده
» ازاي تقول بحبك؟؟؟
» ازاي نعرف اننا بنحب
» شوفتوا الشمس وهي قريبة شكلها عامل ازاي