الاناء المكسور

موضوع: الاناء المكسور الخميس يونيو 11, 2009 1:22 pm

فى يوم من الايام كان فى واحد جناينى وكان مكان المية اللى بيروى بيها ارضه بعيد عن الارض وكان عندنا انائين بياخدهم ويملى بيهم المية لارضه
كل يوم ياخدهم ويملا مية ويرجع لارضه وكان فى اناء منهم مكسور فكان يملاه لكن لما كان يوصل لارضه كانت تكون حوالى نص المية اللى فيه اتكبت على الارض لكنه بالرغم من ده كان كل يوم ياخد الانائين يملاهم وفى يوم من الايام جاله الاناء المكسور وقاله انا باشكرك لانك متمسك بى بس انا عايز اقولك ان مبقيش لى فايدة وكمان باسببلك خسارة لان اغلب المية اللى فى بتضيع فى الطريق ومش بيتبقى لارضك غير القليل فارمينى واعمل ليك اناء جديد سليم ينفعك.
راح صاحبه اخده ومشيوا نفس الطريق اللى بيمشوه كل يوم علشان يملوا المية وقاله شايف الورود الجميلة اللى على الطريق؟قاله شايفها
رد عليه الجناينى وقاله انا عرفت انك مكسور رحت حطيت بذور فى الاماكن اللى بنعدى فيها وبتقع المية منك وطلعت الورود الجميلة دى.
ومن الاخر كده اوعوا حد يفتكر انه ملوش فايدة لاننا ببساطة فى ايد اله يعرف يستثمر قوى الكل حتى الاناء المكسور وعمر ما كان عنده فاقد او احتياطى لكن كل واحد مننا ليه شغله عند ربنا
ربنا معندوش ناس تعانى من البطالة(حينما انا ضعيف فحينئذ انا قوى) خلونا نسلم لربنا ونصدق فيه وبجد هنتفرج هو ممكن يعمل ايه بينا حتى فى عجزنا ربنا يبارككم وصلولى

قصة حلوة
شكرا ليكى
وربنا معاكى

بجد جميل قوي
وبدايه قويه ونحب نشوف المواضيع والمشاركات علي طول

شكرا جدا على مواضيعك الحلوة دى
ويارب نشوفك كده على طول ونحس بوجودك معانا فى المنتدى
ربنا يباركك

قصة حلوة جدا ربنا يباركك