لو جاء يسوع

ليه يا رامي لاتعليق ليه تاكلام ده غلط ولا صح

شكرا رامي علي مرورك

شوف يا اندرو
لو قلتلك انى مش هافرح جدا ان ده يحصل فعلا ابقى كدابه
بس ربنا دايما بيجيلنا واحنا اللى بنرفضه
وحتى لو قبلناه وفرحنا بيبقى حاجه مؤقته
يعنى بنفرح من قلبنا ونقول خلاص احنا هنتوب ونبقى معاه
لكن اول ما نخرج للعالم وننجرف معاه ننسى كل حاجه
وده اللى بحس نفسى ساعات كتير بعمله انى اتوب واقرر انى مش راجعه تانى للعالم واللى فيه
لكن اول ما تيجى الضربه انسى
عملنا زى ما بيقول ربنا فى المثل بتاع الزارع
بنفرح ونمشى مؤقتا بالوصيه لكن اول ما تقابلنا تجربه حقيقيه بنطير فى الهوا
وده رايي
معلش طولت عليك بس الموضوع بجد حلو
ربنا يباركك

اكيد انا هفرح اوي اوي

بس عارف هتلاقي حياتي اتشقلبت
كل الكلام اللي بقوله هيتنقي واحاسب عليه افعالي

بجد حاجات كتير اوي وحشه بتتعمل مش لازم تتعمل

بس عارف في حاجه غلط كبيره انا مش هعمل كده لانه هيبقي قدامي فلازم ابان اني احسن واتغير

بس طيب ماهو دايما قدامي فعشان كده لازم ابقي دايما مستنياه ولازم ابقي حاسه انه جنبي في كل حاجه بعملها

انا معاكى يارونا
ليه احنا فعلا بننسى ان ربنا دايما معانا وعينه علينا زى ما قال اندرو فى الايات اللى استشهد بيها لكنه مش بس معانا كرقيب وعمره ما بيبقى موجود معانا علشان يحاسبنا على اخطائنا
بجد لو ادركنا وفهمنا وجود ربنا معانا وانه فعلا عايز يساعدنا ويرد توهتنا دايما زى ما مكتوب فى المزمور
ولكنى دائما معك امسكت بيدى اليمنى برايك تهدينى وبعد الى مجد تاخذنى
اكيد موقفنا هيتغير ناحية ربنا ومش هنلجا تانى للهروب منه لكن تعالوا نتعلم مع بعض ازاى نهرب من ربنا ليه
ربنا يبارككم

اه فعلا كلامكم كله حلو وجاميل جدا ومش عارف اقلكم ايه

بس برده ليه احنا بنسيب الطريق الكويس ونمشي في الحلو


هل ده علشان احنا ضعفه ولاالشطان شاطر

ولا مانستهلش الدم الي اتسفك علشانا

شكرا ميرنا ورنا وفيبي

بص يا اندرو اولا احنا اه ضعاف بطبيعتنا البشريه يمكن ده اللى بيخلينا نغلط
بس برضو دى مش حجه لاننا اقوياء جدا بمعونه ربنا لو طلبناها من قلبنا
وتانيا حكايه ان الشيطان شاطر دى انا مبتعجبنيش لان الشيطان مش هايتشطر علينا وعلى ربنا والا مكانش حد بقى مع ربنا ولجا ليه
لكن احنا اللى بنقدمله الشطاره بتاعته على طبق من ذهب ونقوله اشتغل
يعنى دى برضو مش حجه لاننا ممكن نبطل اعماله باسم ربنا
ثالثا ربنا قال "هكذا احب الله العالم حتى بذل ابنه الوحيد حتى لايهلك كل من يؤمن به بل تكون له الحياه الابديه"
يعنى احنا اكيد نستاهل الدم اللى اتسفك عشاناولو مش كلنا
يعنى لو العالم مفيهوش غير مؤمن واحد برضو ربنا كان هايسفك دمه عشانا عشان احنا ولاده وصنع يديه وعلى صورته ومثاله
وغير كده ربنا سفك دمه عشانا عشان يدينا امل فى التوبة
وانا من رايي اننا بنسيب ربنا ونمشى فى الطريق الحلو عشان ما بنسترشدش بربنا فى حياتنا وبنحسش بنعمته فينا
يعنى من الاول والاخر كده المشكله فينا احنا ومفيش حل ليها غير اننا نرجع لربنا
اه مش هنقدر مرة واحده نبقى قديسين بس واحده واحده بمعونه ربنا نقدر نوصل
شكرا اندرو
يارب اكون قدرت اوصلك رايي صح
ربنا يعوض خدمتك

وصل رائيك وكلامك صح ومش غلط

شكرا ليكي وعلي وشاركاتك
ربنا يعوضك

العفووووووو

شكرا