انت مين فيهم؟

فى انجيل يوحنا اصحاح 6 بيحكى الكتاب عن المعجزة اللى كلنا عارفينها معجزة اشباع الجموع بالخمس ارغفة وسمكتين فى المعجزة دى الرب يسوع بينلنا شخصيتين متهيالى كل واحد فينا ممكن يكون شصية منهم
اول شخصية هى شخصية فيلبس اللى لما ربنا سأله (من أين نبتاع خبزا لياكل هؤلاء)رد وقاله انه مش هيكفيهم خبز بمئتى دينار.
لكن نلاقى الشخصية التانية اللى هى اندراوس اللى لوحده قال للرب يسوع ان فى غلام معاه خمسة ارغفة وسمكتين.متهيالى انا لو مكان التلاميذ كنت فضلت اضحك على اندراوس ازاى يبص لخمس ارغفة وسمكتين قدام اكتر من 5000 واحد.
لكن السؤال هنا لكل واحد فينا احنا مين من الاتنين
فيلبس اللى اتعود دايما يحسبها وعايز كل حاجة تبقى جاهزة ومنطقية ويحب دايما الامكانيات تبقى كبيرة والا هيعجز ومش هيعمل حاجة ؟
ولا احنا اندراوس اللى اتعلم ييجى بالقليل من غير ما يتكسف او يقعد يحسبها كتير وييجى وهو مصدق انه طالما بيقدم القليل ده بقلب كامل ودوافع صح وهو واثق فى ربنا فربنا هيعرف يستخدم القليل ده ويتمجد بيه؟
انت مين فيهم؟ ده اول سؤال
السؤال التانى هل انى اكون بسيط ولى ايمان بسيط واصدق فى ربنا ده معناه انى ماستخدمش عقلى وماحسبهاش واخد كل الامور بعشوائية؟
باستنى رايكم وبجد عايزة استفيد منكم ربنا يبارككم

بصي هي نسبيه ممكن ابقي الاتنين في كل وقت وعلي حسب الموقف واحد من الاتنين

بالنسبه للسؤال التاني لا الايمان مافيهوش الغاء للعقل والا يبقي ايه لزمته بس الايمان هو اننا نصدق الحاجات اللي ساعات مانلقيش ليها تفسير بس ف نفس الوقت مايكونش ليها نقيض

انا معاكى ان الايمان مش بيلغى العقل بس مش اوقات العقل بيخفى الايمان ويتناقض معاه ويسبب العجز كمان؟
انا باحس ان الموضوع محتاج تمييز وطاعة كمان
لانه غالبا الايمان بيكون فى امور تتعارض مع العقل زى الايمان بان الله اتجسد واتصلب وقام علشانا وزى ايمان ابراهيم بوعد ربنا باسحق رغم انه كان يتعارض تماما مع العقل

هى مش عمليه الغاء للعقل هو ممكان توقع مايفوق الغقل
توقع الحاجه الخارقه للعاده
الايمان بيعمل عمليه توصيل للشى غير المتوق مثل تصديق ان المسيح يمشى على المياه
فهى عمليه تصديق مافوق التفكير الانسانى