كيف يمكن للآنسان ان يسمع دعوة الله الخاصة له ؟؟؟؟؟؟؟؟

اولا سلام لكل اعضاء وزوار المنتدى


ثانياً حابب اعرض عليكم سؤال مهم جدا وهو كيف يمكن للأنسان ان يكتشف دعوة الله له سواء رهبنة او كهنوت او زواج !!!!!!!!!!!!وهل هناك فرق بين الثلاثة عند ربنا ؟؟؟وافرض ان لو ربنا دعواحد للكهنوت لكن الشخص ده رفض وكمل فى العالم او راح الدير يبقى اى موقفه من ربنا وايه موقف ربنا منه؟؟؟؟؟؟؟؟؟
طبعاً ده سؤال مصيرى جدا لان كتير من الشباب مش بيعرفوا يسمعوا صوت ربنا الخاص ليهم ........ياريت بجد نتكلم بموضوعية شوية

انا اسمع ان الكهنوت مايترفضش

ثانيا لو ربنا مش عايز يترهبن ويتجوز هيعطلع طريق رهبنته

انا عايز اقول ان مافيش فرق بين البتول يعنى زى الرهبان والراهبات
والمتزوجون الفرق فى الإيمان
والدليل على كدة ان الأتنين اللى طلعو السما احياء هما ايليا ودة كان غير متزوج واخنوخ اللى كان متزوج
ولو ربنا عايزك هنا ولا هنا هيكشفلك الطريق من غير حاجة و الأبواب هتكون مفتوحة
فى ناس يبقى خلاص فرحو كمان اسبوع ويبقى شغال شغلانى محدش يحلم بيها ويسيب دة كلو ويروح يترهبن!!!!!!!!!!!
تفتكرو لية

اوك
انا عايز اقول حاجه ان الرهبنه والكهنوت والزواج كل واحد منها ليها الرساله بتاعتها او ليها المطلوب بتاعها

مثل الراهب ده بيبقا في الدير وكل همه الصلاه من اجل العالم ومن اجل كل الناس وهي حياته الصلاه وبس
انما الكاهن هوه عاليه انه يرعا الرعيه بتاعته ويخلي باله عاليهم ويصلي ليهم ويكون ليهم دليل في حياتهم
انما الزواج ده برضه سر مقدس من ربنا والزواج مهم زي الكهنوت والرهبنه لان بالزواج ده المقدس بيجبلنا اطفال الي مفروض نربيهم تربيه صالحه علشان في المستقبل هما الكهنه والرهبان
انما نقطه ازاي اسمع ربنا
لازم يكون هناك صله وصل بين الانسان وربنا صله قويه والصله دي عباره عن الصلاه والصوم والقرايه في الانجيل وعلاقتي بربنا كويسه وانا هاعرف اراده ربنا ليا عن طريق رساله الرساله دي هاتكون عن طريق حلم او عن طريق الانجيل او عن طريق الناس الي حوليا

كلامك صح يا اندرو
موضوع حلو خالص ربنا يباركك

شكرا يا ميريت

حلو جدا بس ربنا هيوضحلك بكل الصرق ان هو مخطارلك اية و هيبان فى حاجات كتير ربنا يباركك

كلام حلو جدا بس كنت عايزة اضيف حاجة
ان ربنا مش هو اللي بيختار لنا والدليل علي كدة ان كتير مننا بيضل وبيسيب الطريق اللي المفروض ان ربنا بيختاره ليه
بس ربنا ممكن بيشوفنا افضل في مكان او التاني وبيحاول يوضح لنا ده وبطرق كتيرة واحنا ساعتها اللي بنختار
يعني الانسان عمره ماكان مصير
وبجد موضوع رائع جدا ربنا يباركك